ევროპარლამენტარი „ოცნების“ მიერ ინიცირებულ საკანონმდებლო ცვლილებებზე: ეს ავტორიტარული ნაბიჯია

2026-02-20 20:22:42, 867 ნახვა

პოლიტიკა

ევროპარლამენტარი ნაჩო სანჩეს ამორი აკრიტიკებს „ქართული ოცნების“ მიერ გამოცხადებულ საკანონმდებლო ცვლილებებს, რომლებიც „კონსტიტუციური ორგანოების არაღიარებას“ კრიმინალიზაციას ითვალისწინებს.

„ეს სრულიად ავტორიტარული ნაბიჯია. ეს ნიშნავს, რომ „ქართული ოცნების“ მთავრობა იყენებს ყველაზე საშინელ კანონმდებლობას, რაც კი ოდესმე არსებობდა, ან საერთოდ არასდროს არსებობდა, ნებისმიერი სახის კრიტიკის წინააღმდეგ საბრძოლველად და დევნისთვის.

ეს უახლესი კანონპროექტი, მთავრობის უარყოფის ან დელეგიტიმიზაციის შესახებ გამოცხადებული ინიციატივა, ამ რეპრესიული პოზიციის კიდევ ერთი დასტურია.

ის იდეა, რომ პოლიტიკური პოზიციის გამოხატვა - მთავრობის ლეგიტიმურობის აღიარებაზე უარის თქმა არჩევნებში მომხდარი მოვლენების გამო - კრიმინალიზებული იქნება, სრული სიგიჟეა. ისინი ყველა ფანტაზიას მიმართავენ, რათა ყველა შესაძლო გზა იპოვონ კრიტიკული სამოქალაქო საზოგადოების განადგურებისთვის“, - განაცხადა ნაჩო სანჩეს ამორმა.

ის ფაქტი, რომ კონსტიტუციური ორგანოების არაღიარება სისხლის სამართლის დანაშაულად იქცევა და სამ წლამდე თავისუფლების აღკვეთით დაისჯება, 16 თებერვალს პარლამენტის იურიდიული კომიტეტის სხდომაზე გამოცხადდა, სადაც მეორე მოსმენით განიხილებოდა „გრანტების შესახებ“ და „პოლიტიკური პარტიების შესახებ“ კანონებში ცვლილებები.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,