ოპოზიციის წარმომადგენლები შეხვდნენ ეუთოს მოსკოვის მექანიზმის ფარგლებში დანიშნულ მომხსენებლებს. როგორც შეხვედრის ერთ-ერთმა მონაწილემ, კოალიცია „ცვლილებებისთვის“-ს ლიდერმა ნიკა გვარამიამ განაცხადა, მოსკოვის მექანიზმი ძალიან ეფექტურია.

„ამ მექანიზმის უპირატესობა ის არის, რომ ის ძალიან სწრაფი, კონკრეტული და ეფექტიანია, არ მოიცავს ხანგრძლივ დისკუსიებს ან პოლიტიკურ შეფასებებს. ის იძლევა ძალიან მკაფიო სამართლებრივ შეფასებებს და აყენებს კონკრეტულ მოთხოვნებს.

ამ მექანიზმის დასკვნების გამოყენება საერთაშორისო ორგანოებში, რომლებიც უკვე აყენებენ პასუხისმგებლობის საკითხს, ძალიან მარტივი და მიზანმიმართულია. ძალიან კარგია, რომ ეს მოსკოვის მექანიზმი ამოქმედდა.

პირადად ჩემთვის ეს მოულოდნელი იყო, რადგან იშვიათად გამოიყენება. დანამდვილებით ვიცი, რომ ამ მექანიზმის ბიძინა ივანიშვილის მიერ მოსყიდვა შეუძლებელია“, - განაცხადა შეხვედრის შემდეგ ნიკა გვარამიამ.

შეხვედრაში ასევე მონაწილეობდნენ „ლელო - ძლიერი საქართველოს“ და „ერთიანი ნაციონალური მოძრაობის“ ლიდერები.

ავტორი: ექსპრესნიუსი,

სოციალური ქსელები

პოლონეთი ქვეყანაში შესვლის გამკაცრებას გეგმავს, მათ შორის საქართველოს მოქალაქეებისთვის

ხარკოვის ოლქში რუსეთის სარაკეტო დარტყმას 10 ადამიანი ემსხვერპლა 17 კი დაშავდა

ჩხუბი ბათუმის ბულვარში - დაჭრილია 2 ადამიანი

ნიკა გვარამია - „ნდობის აღდგენა“ სრულიად ფუჭი სიტყვებია და მის უკან არავითარი პოლიტიკური შინაარსი არ დგას