2026-02-10 20:47:56, 1141 ნახვა
საზოგადოება
ცხინვალში დაკავებული საქართველოს მოქალაქე გაათავისუფლეს
საქართველოს მოქალაქე ივანე ილურიძე, რომელიც 2025 წლის 9 აგვისტოს ახალგორის რაიონის სოფელ ახმაჯისთან ახლოს დააკავეს, ცხინვალში პატიმრობიდან გაათავისუფლეს. ამის შესახებ თვითგამოცხადებული სამხრეთ ოსეთის რესპუბლიკის სახელმწიფო უშიშროების კომიტეტმა (კგბ) განაცხადა.
სააგენტოს ცნობით, ილურიძე „საზღვრის უკანონო გადაკვეთისთვის“ გაასამართლეს. კგბ ამტკიცებს, რომ მან ეს ქმედება „განზრახ“ და „ნასვამ მდგომარეობაში“ ჩაიდინა.
„სასჯელის ვადის გასვლის გამო, ილურიძე გათავისუფლდა და დადგენილი პროცედურების შესაბამისად, საქართველოს მხარეს გადაეცა“, - აღნიშნა პრესსამსახურმა.
ავტორი: ექსპრესნიუსი,
epn.ge (@expressnews.ge)
