NHK WORLD-JAPAN-ი წერს, რომ ნატოს ოფიციალური პირების ინფორმაციით, იაპონია გეგმავს შეუერთდეს ნატოს მიერ მართულ ინიციატივას, რომლის მიზანიც უკრაინისთვის აშშ-ში წარმოებული საბრძოლო მასალისა და სამხედრო აღჭურვილობის მიწოდებაა.

NHK-ის ცნობით, აღნიშნული მექანიზმი ნატომ და შეერთებულმა შტატებმა 2025 წლის ივლისში შექმნეს, რათა კოორდინირებულად განხორციელდეს უკრაინისთვის ამერიკული წარმოების შეიარაღებისა და ტექნიკის შესყიდვა და მიწოდება.

ინიციატივაში მონაწილეობას უკვე 20-ზე მეტი ნატოს წევრი ქვეყანა გეგმავს, მათ შორის გერმანია და ნიდერლანდები. მხარდაჭერას უერთდებიან ავსტრალია და ახალი ზელანდიაც. ამ ჩარჩოს ფარგლებში უკრაინას უკვე მიეწოდა Patriot-ის საჰაერო თავდაცვის სისტემებისთვის განკუთვნილი რაკეტები და სხვა აღჭურვილობა.

ნატოს რამდენიმე მაღალჩინოსანმა NHK-ს განუცხადა, რომ იაპონია უახლოეს პერიოდში ოფიციალურად გამოაცხადებს ინიციატივაში ჩართვის გადაწყვეტილებას. მათი თქმით, ტოკიო უკრაინას მხოლოდ არასასიკვდილო თავდაცვითი დანიშნულების აღჭურვილობის დაფინანსებას შესთავაზებს, მათ შორის შესაძლოა იყოს რადარის სისტემები და ტყვიაგაუმტარი ჟილეტები.

ოფიციალური პირების ინფორმაციით, იაპონიამ საკუთარი გეგმის შესახებ უკვე გააცნო ინფორმაცია ნატოს არაერთ წევრ ქვეყანასა და უკრაინას. ერთ-ერთმა ნატოს წარმომადგენელმა აღნიშნა, რომ არასასიკვდილო აღჭურვილობაც კრიტიკულად მნიშვნელოვანია უკრაინისთვის და იაპონიის ჩართვა ამ ინიციატივაში მნიშვნელოვანი ნაბიჯია.

ავტორი: ექსპრესნიუსი,

სოციალური ქსელები

ერდოღანის რეჟიმმა თურქული კინოს ვარსკვლევები, მომღერლები და ოპოზიციონერების შვილებიც დააკავა

უკრაინის 19 მოქალაქე შველას ითხოვს, ისინი დარიალის გამშვებ პუნქტში გაუსაძლის მდგომარეობაში არიან

საქართველოში კრიპტოვალუტის გათეთრების საერთაშორისო საქმეზე ამერიკელმა, პოლონელმა და ქართველმა სამართალდამცველებმა ფართომასშტაბიანი სპეცოპერაცია ჩაატარეს

საწვავის ფასების ზრდა, საქართველოში, ინფლაციის ერთ-ერთ მთავარ ფაქტორად რჩება