PSP ჯგუფის ჯანდაცვის განვითარების მიმართულების ხელმძღვანელი აცხადებს, რომ მედიკამენტების 70%-ზე ფასი დარეგულირებულია და ქვეყანაში წამლების რეფერენტული ფასწარმოქმნის მექანიზმი 2022 წლიდან მოქმედებს. „ფასების სამთავრობო კომისიის“ წარმომადგენლებთან შეხვედრის შემდეგ გიორგი რამიშვილმა განაცხადა, რომ ეს სამუშაო შეხვედრა იყო, სადაც მხარეებმა პოზიციები გააზიარეს, თუმცა კონკრეტულად არაფერზე შეთანხმებულან.

PSP ჯგუფში მიაჩნიათ, რომ მედიკამენტების ფასების შემცირების კიდევ ერთი სივრცე ადგილობრივი წარმოების მხარდაჭერაშია.

„რეფერენტულ ფასებზე იყო საუბარი. საქართველოს აფთიაქებში რეფერენტული ფასი 2022 წლიდან არის. რაც ძალიან კარგია. მედიკამენტების ფასების შემცირების სივრცე, ჩვენი აზრით, ადგილობრივი წარმოების ხელშეწყობაშია, მედიკამენტების უფრო დიდ ჩამონათვალზე გავრცელებაში. ამაზე ჯანდაცვის სამინისტრო აქტიურად მუშაობს.

ზუსტად არ ვიცი შეიქმნება თუ არა, ჩვენ ყველაფერში ჩავერთვებით. ჩვენი ინტერესია, რომ მოსახლეობამ იაფი მედიკამენტები მიიღო. ამ მხრივ დიდი ნაბიჯი გადადგმულია, რომ მედიკამენტების 70%-ზე ფასი დარეგულირებულია და ეს მედიკამენტები ხელმისაწვდომია. ზოგადად, ძვირიან მედიკამენტებს თუ ჩვენი ჯიბე ვერ გასწვდება ეს პრობლემაა და ამას ქვეყანაში მშპ-ს ზრდა და მოსახლეობის შემოსავლის ზრდა სჭირდება.

ჩვენი აზრია, რომ ადგილობრივი წარმოების წილი უნდა გაიზარდოს და ამ მხრივ ჩვენი ქვეყანა უნდა დაეწიოს იმ ქვეყნებს, სადაც ადგილობრივად აწარმოებენ მედიკამენტებს“, - განაცხადა გიორგი რამიშვილმა.

ავტორი: ექსპრესნიუსი,

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან