უკრაინამ ტრამპის კაპიტულაციური გეგმა უარყო

2025-11-20 09:07:49, 992 ნახვა

მსოფლიო

"უკრაინამ აშშ-სა და რუსეთის კაპიტულაციურ გეგმაზე უარი განაცხადა"-წერს Financial Times. გამოცემა აღნიშნავს, რომ უკრაინელი მაღალჩინოსნების აზრით, გეგმა სრულად შეესაბამება კრემლის მაქსიმალისტურ მოთხოვნებს და არსებითი ცვლილებების შეტანის გარეშე ის უკრაინაში რეალიზებული არ იქნება.

Axios-ის ინფორმაციით, სტივ უიტკოფმა ზელენსკისთან შეხვედრა თურქეთში გადადო, რადგან მისთვის გასაგები გახდა, რომ უკრაინის პრეზიდენტი არ იყო დაინტერესებული ამერიკული მხარის მიერ მომზადებული სამშვიდობო გარიგებით. გამოცემას წყარომ უთხრა, რომ ზელენსკი ანკარაში სხვა, ევროპელ პარტნიორებთან ერთად შემუშავებული გეგმით ჩავიდა, რომელსაც რუსეთი "არასდროს დათანხმდება". ზელენსკის ასევე სურდა რომ ის უფრო ფართო ფორმატში-ევროკავშირის წარმომადგენლებთან ერთად განეხილათ.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,