ქართული ოცნების განათლების მინისტრის, გივი მიქანაძის განცხადებით, განათლების რეფორმა ემსახურება მიზანს, რომ ქართველმა ახალგაზრდებმა "უმაღლესი სტანდარტის ცოდნა" საქართველოში მიიღონ.

"მუდმივ რეჟიმში ბაზრის კვლევის აუცილებლობა და საჭიროება განისაზღვრა იმისთვის, რომ ჩვენ მიზნად დავსახოთ, თუ რომელი პროფესიის მიხედვით რა რაოდენობის კვალიფიციური კადრები უნდა გამოუშვან კონკრეტულმა უნივერსიტეტებმა. შესაბამისად, სახელმწიფო უნივერსიტეტები მაქსიმალურად ორიენტირებული უნდა იყვნენ იმაზე, რომ სწორედ სახელმწიფო დაკვეთა შეასრულონ — სახელმწიფო დაკვეთა კი ბაზრის მოთხოვნებიდან უნდა მომდინარეობდეს.

რეფორმის ფარგლებში გადახალისდება ის მოცემულობა, რაც კონკრეტული მიმართულებით პროფესორ-მასწავლებლების საჭიროებასთანაა დაკავშირებული. ჩვენ უნდა განვსაზღვროთ ის დეფიციტური მიმართულებები, სადაც შესაბამისი კვალიფიკაციის პროფესორ-მასწავლებლები არ გვყავს და საზღვარგარეთიდან შესაბამისი ცოდნის, გამოცდილებისა და კვალიფიკაციის პროფესორ-მასწავლებლები უნდა ჩამოვიყვანოთ.

მნიშვნელოვანია, რომ ქართველი ახალგაზრდები საქართველოში რჩებოდნენ და იღებდნენ უმაღლესი სტანდარტის ცოდნას, როგორც სასკოლო, ასევე უნივერსიტეტების დონეზე. სწორედ ამიტომ დავაინიცირეთ უმაღლესი განათლების რეფორმა," — თქვა მიქანაძემ.

ცნობისთვის, ირაკლი კობახიძემ განაცხადა, რომ "ნებისმიერ ახალგაზრდას აქვს შესაძლებლობა, საზღვარგარეთ დახუროს მე-12 კლასი და შემდეგ განაგრძოს პირველი კურსიდან სწავლა უმაღლესი განათლების დონეზე"

ავტორი: ექსპრესნიუსი,

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან