კეტლინ ვან ბრემპტი, S&D-ის ვიცე-პრეზიდენტი, საქართველოში ვიზიტის წინ აცხადებს, რომ სეხვდება მამაცი ქართველი ხალხის წარმომადგენლებს, ასევე სამოქალაქო საზოგადოებას და მედიას.

„ჩვენ მივდივართ საქართველოში, რათა შევხვდეთ საზოგადოებრივ და პოლიტიკურ ძალებს, რომლებიც ქვეყნის წინსვლას ესწრაფვიან — მყარი დემოკრატიისთვის, კანონის უზენაესობისთვის, სამართლიანი ეკონომიკური და სოციალური კეთილდღეობისთვის და ევროკავშირთან მჭიდრო თანამშრომლობისთვის.

ასევე, შევხვდებით იმ მამაცი ხალხის წარმომადგენლებს, რომლებიც უკვე 300-ზე მეტი დღეა მშვიდობიანად აპროტესტებენ დემოკრატიის ეროზიას და იცავენ თავიანთ საკონსტიტუციო უფლებებსა და ფუნდამენტურ თავისუფლებებს, ასევე საკუთარი ქვეყნის ევროპულ მომავალს.

მიუხედავად იმისა, რომ გასულ წელს ჩატარდა გაყალბებული საპარლამენტო არჩევნები, და ახლაც — დემოკრატიის კიდევ ერთი ფარსი, ბოლო ადგილობრივი არჩევნების სახით, ქართველ ხალხს არ დაუკარგავს თავისი ოცნება — დემოკრატიული და ევროპული საქართველოს შესახებ.

ჩვენ ვაგრძელებთ მათი მხარამჭერობას და ვუჭერთ მხარს ქართველი ხალხის სურვილს, იცხოვროს მდიდარ და დემოკრატიულ ქვეყანაში, რომელიც სრულად პატივს სცემს ფუნდამენტურ თავისუფლებებს, იცავს ადამიანის უფლებებს და უზრუნველყოფს ღია საზოგადოებას, დამოუკიდებელ მედიას და თავისუფალ და სამართლიან არჩევნებს.

მინდა ეს მკაფიოდ ითქვას: ქართველი ხალხი არ წარმოადგენს რეჟიმს.
მიუხედავად იმისა, რომ ვგმობთ დემოკრატიის უკუსვლას, მათ შორის ბოლო ადგილობრივი არჩევნების კონტექსტში, ჩვენ გავაგრძელებთ თანამშრომლობას საქართველოს ხალხთან და მათთან, ვინც იცავს დემოკრატიულ პრინციპებსა და ღირებულებებს.“ - აცხადებს კეტლინ ვან ბრემპტი.

ავტორი: ექსპრესნიუსი,

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან