საქართველოში დესტაბილიზაციის, კრიზისისა და ძალადობის ერთადერთი წყაროა ივანიშვილი და მისი მჩაგვრელი სისტემა, - ამის შესახებ კოალიცია "ცვლილებისთვის" საგანგებო განცხადებაში წერს. კოალიცია გუშინ ქვეყანაში განვითარებულ მოვლენებს ეხმიანება და აღნიშნავს, რომ ამ ეტაპზე კონტრშეტევის ნაცვლად უწყვეტი მშვიდობიანი პროტესტის ზრდას და საერთაშორისო იზოლაციის გამყარებას მიიჩნევს გამოსავლად.

პოლიტიკური გაერთიანება კიდევ ერთხელ ადასტურებს საპარლამენტო მანდატებზე, დაფინანსებაზე და არალეგიტიმურ პროცესებში მონაწილეობაზე სრულ ბოიკოტს და მოუწოდებს მხარდამჭერებს ყოველდღიური პროტესტისკენ, ვიდრე რეჟიმი საბოლოოდ არ დამარცხდება. 

4 ოქტომბრის რუსულ სპეცოპერაციას უარი უთხრა პროდასავლური პოლიტიკური სპექტრის უმრავლესობამ, საერთაშორისო საზოგადოებამ და, რაც მთავარია, ქართველმა ხალხმა. რუსული რეჟიმის ყალბი მონაცემითაც კი, მხოლოდ დედაქალაქში, 2024 წლის არჩევნებთან შედარებით, გამოცხადება 300.000-ით ნაკლებია. რუსული ფარსი არ შედგა!
4 ოქტომბერს ცარიელი საარჩევნო უბნების პარალელურად, თავისუფლების მოედანი და რუსთაველის გამზირი სავსე იყო თავისუფლებისთვის მებრძოლი ადამიანებით. უწყვეტი პროტესტის 311-ე დღეს თბილისში 100.000-ზე მეტი ადამიანი გამოვიდა მთავარი სათქმელით - ბრძოლა ბოლომდე!
საქართველოში დესტაბილიზაციის, კრიზისისა და ძალადობის ერთადერთი წყაროა ივანიშვილი და მისი მჩაგვრელი სისტემა. ამის გამო, დღეს ქვეყანაში ახალი პოლიტიკური პატიმრები გვყავს. 
ჩვენთვის, „კოალიცია ცვლილებისთვის“ ამ რეჟიმის წინააღმდეგ გადამწყვეტი ბრძოლა 26 ოქტომბრის გაყალბებული არჩევნების შემდეგ უწყვეტად მიმდინარეობს. ქვეყნის სიყვარულის, ცვლილების ხედვისა და თავდადების პარალელურად, ეს ბრძოლა დგას უდიდეს პასუხისმგებლობაზე ჩვენი ხალხის მიმართ. 
ჩვენ გვჯერა, რომ გამარჯვების გასაღები რეჟიმის ჩამოშლაშია და არა დროის რომელიმე მონაკვეთში გადაჭარბებული მოლოდინების შექმნაში. ჩამოშლა დადგება ხელისუფლების მუდმივი იზოლაციის, ართანამშრომლობის, არაღიარების, საერთაშორისო წნეხის გაძლიერებისა და რაც მთავარია, უწყვეტი პროტესტის,  მათ შორის, რუსთაველის საპროტესტო კერის გაძლიერების გზით. ამიტომ ვთქვით უარი საპარლამენტო მანდატებზე, გაყალბებული არჩევნების შედეგად მიღებულ საბიუჯეტო დაფინანსებაზე,  არალეგიტიმური პარლამენტის “სამშობლოს ღალატის” კომისიაში მონაწილეობაზე, რის გამოც კოალიციის უკლებლივ ყველა ლიდერი ციხეშია, ამიტომ არ მივიღეთ მონაწილეობა 4 ოქტომბრის ფარსში სახელად „ადგილობრივი არჩევნები“.   
ჩვენ არ გამოგვიცხადებია ბოლო ბრძოლა, ჩვენ გამოვაცხადეთ ბრძოლა ბოლომდე, გამარჯვებამდე! ყოველ დღე ბიძინა ივანიშვილის დამარცხებამდე ვიდგებით იქ, სადაც ვიდექით გასული 311 დღე.
დღესაც, ტრადიციულ დროს, შევხვდებით რუსთაველზე, - ნათქვამია განცხადებაში. 

ავტორი: ექსპრესნიუსი,

სოციალური ქსელები

სუს: 2025 წლის 17 აგვისტოს სოფელ პერევის მიმდებარედ უკანონოდ დაკავებული საქართველოს მოქალაქე თავისუფალია

პუტინი: ჩვენს ინფრასტრუქტურაზე კიევის იერიშები ზიანს იწვევს, თუმცა ეს კრიტიკული ვერ იქნება

დუმის არჩევნების შემდეგ მობილიზაციის შესახებ ხმების ფონზე, რუსები საქართველოს საზღვარზე რიგში ჩადგნენ - რუსული მედია

გარემოსდაცვითი ზედამხედველობის დეპარტამენტი ავტომობილების დაჯარიმების თაობაზე მოქალაქეებს თაღლითური SMS-ების შესახებ აფრთხილებს