გამოძიების თანახმად, მოკლულმა ლევან ჯანგველაძემ პანაშვიდის მისამართი სწორედ მის მკვლელობაში ბრალდებულს, გელა უძილაურს ჰკითხა. ამის შესახებ პროკურორმა, ლევან ვეფხაძემ, სასამართლო სხდომაზე განაცხადა.

პროკურორის ინფორმაცია დაადასტურა საქმის მთავარმა მოწმემ, კახა ძანძავამ, რომელიც მკვლელობის დღეს ჯანგველაძესთან ერთად იმყოფებოდა. ძანძავამ სასამართლო დარბაზში განაცხადა, რომ პანაშვიდის მისამართი მან და ლევან ჯანგველაძემ ორ პირს ჰკითხეს, რომელთაგან პირველი, პროკურორის თქმით, გელა უძილაური იყო.

ე.წ. „კანონიერი ქურდის“ ძმა, ლევან ჯანგველაძე, ჭავჭავაძის გამზირზე 14 მარტს ჩაცხრილეს. პოლიციამ 17 მარტს მკვლელობაში ბრალდებული გელა უძილაური დააკავა, ხოლო დანაშაულის იარაღის უკანონო გასაღების ბრალდებით სანდრო წივწივაძე.

12 აგვისტოს შსს-მ ჯანგველაძის მკვლელობის საქმეზე კიდევ სამი პირი დააკავა: გიორგი მიქაძე, გიორგი კაჭკაჭიშვილი და მამუკა ბაღდავაძე. მათთან ერთად ბრალი დაუსწრებლად წარედგინათ დავით მიქაძესა და გიორგი ჯოხაძეს. ძმები მიქაძეები ოთარ ფარცხალაძის გარემოცვის წევრები არიან. ყოფილი გენერალური პროკურორის სახელი არაერთხელ გაჟღერდა ამ საქმესთან დაკავშირებით.

პროკურატურამ ძმებ მიქაძეებსა და გიორგი ჯოხაძეს შეკვეთით და ანგარებით განზრახ მკვლელობის ორგანიზებისთვის წარუდგინა ბრალი. გიორგი კაჭკაჭიშვილს ბრალი ჯგუფურად ცეცხლსასროლი იარაღის უკანონო შეძენა-შენახვისთვის წაუყენეს. მამუკა ბაღდავაძეს კი — დანაშაულის დაფარვისა და მართლმსაჯულებისთვის ხელის შეშლის მიზნით ცრუ ინფორმაციის მიწოდებისთვის.

უწყების ცნობით, ბრალდებულებზე, გიორგი ჯოხაძესა და დავით მიქაძეზე, ძებნა გამოცხადდება. მოსამართლე ლელა მარიდაშვილმა დაკავებულებს, გიორგი მიქაძეს, გიორგი კაჭკაჭიშვილსა და მამუკა ბაღდავაძეს, წინასწარი პატიმრობა შეუფარდა.

ავტორი: ექსპრესნიუსი,

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან