რაც გუშინ მოხდა, ამაზე არსებობს ერთადერთი პასუხი - ყველანი ქუჩაში!, - ამის შესახებ „კოალიცია ცვლილებისთვის“ ერთ-ერთი ლიდერი, პატიმრობაში მყოფი ზურაბ ჯაფარიძე აცხადებს, რომლის სატელეფონო საუბარიც მის „ფეისბუქ“ გვერდზე ვრცელდება.

ჯაფარიძის თქმით, ქუჩაში ყველა უნდა გამოვიდეს, რადგან ეს არის ყველას პასუხისმგებლობა, გარდა „იმ ხალხისა, გუშინდელი საღამოს შემდეგ აგრძელებს თბილისის კანალიზაციის პრობლემებზე საუბარს, მაგ ხალხს არაფერი ეშველება“.

"გუშინდელ ამბავზე მინდა ერთი-ორი სიტყვა ვთქვა,

მელიქიშვილზე კალაძის ე.წ. შტაბი და გუშინ მშვიდობიან დემონსტრანტებზე მოწყობილი ჩასაფრება არის რამდენიმე რამის ინდიკატორი:

ჯგუფურად გადატრიალებული, ქაჯური საგიჟეთი რომ არის მოწყობილი შუა ვერაზე, არის ერთი რამის მაჩვენებელი, რომ მაგ ხალხს თბილისში, ქუჩაში აღარ გამოესვლებათ, დადიან შეზღუდულ რაოდენობის ადგილებში და იქაც 20-კაციანი დაცვებით.

ის მოძალადეები, რომლებიც გუშინ ვინც ურტყამდა ამ ახალგაზრდებს, ეგენიც არ არიან ვერელები, ერთი ორის გარდა ყველა არის საიდანღაც მოყვანილი მელიქიშვილზე, ანუ ვერაზე ვერ იპოვეს 50 კუნთმაგარი ადამიანი, რომელიც ნიღბის გარეშე იმას იკადრებდა, რაც იმ ხალხმა იკადრა და რასაც ზოგადად, ეს “ქართული სირცხვილი” ოცნებას რომ ეძახიან საკუთარ თავს, კადრულობს უკვე წლებია,

ანუ რა უნდა მელიქიშვილზე გენო პეტრიაშვილს?

ის, რომ მათ სჭირდებათ ძალადობა და შემდეგ მთელი პროპაგანდისტული მედიის მიყრა იმ ხალხის გასაშავებლად, რომლებიც ამ მსვლელობებს აწყობს 10 თვეა და მთელი ამ პერიოდის განმავლობაში თმის ღერი არ ჩამოვარდნია არავის, არცერთ დღეს, აჩვენებს რომ ისინი არიან შეშინებულები, და ერთადერთი რაც დარჩათ არის ხისტი, ფიზიკური ძალა, ეს ჩანს იქიდანაც, რომ დღეს დილიდან საკუთარ პიარულ ამბებზეც კალაძე იგივე ტიტუშკებით მოძრაობდა, იმიტომ, რომ ეშინია, ვინმე არ მიუვარდეს და არ არის დარწმუნებული, რომ მდინარაძის პოლიცია დაიცავს.

პოლიციას რაც შეეხება, როგორი დაპირისპირებაც არ უნდა ჰქონდეთ შიგნით, და აშკარაა, რომ აქვთ რაღაც დაპირისპირება, უკვე დიდი ხანია უნდა გვესმოდეს, რომ პოლიცია არ გვყავს, ეს არის ჩვეულებრივი რუსული ტიპის “როს გვარდია”, როგორიც ჰყავს პუტინს, რომელიც არის - მხარე, რომელიც არ იცავს წესრიგს, არც სამართლიანობას, არ იცავს არც მოქალაქის უსაფრთხოებას, ისინი ყველგან და ყოველთვის იცავენ მარტო რეჟიმს, პირველ რიგში რეჟიმის პატრონს, შემდეგ რეჟიმის საყრდენებს და მათ შორის რეჟიმის ტიტუშკებსაც, იმიტომ, რომ ტიტუშკებიც ამ რეჟიმის საყრდენია.

ამის გააზრებით უნდა გავდიოდეთ ქუჩაში და ნებისმიერ პროტესტში,

და ბოლოს, რაც გუშინ მოხდა, ამაზე არსებობს ერთადერთი პასუხი - ყველანი ქუჩაში!

არა საჩხუბრად, არა დაპირისპირებისთვის, არა შურისძიებისთვის, არა,

მხოლოდ მშვიდობიანად, წყნარად, თავდაჯერებულად, ამ ბრძოლას იგებს არა ის, ვისაც მეტი კუნთი ჰყავს, ეს მათ ჰგონიათ, რომ ასეა, არამედ იგებს ის, ვინც არ ნებდება, არ ჩერდება და ყოველი თუნდაც წაქცევის შემდეგ დგება და აგრძელებს ბრძოლას! ქუჩაში უნდა ვიყოთ ყველა! ყველა უნდა გამოვიდეთ. ეს არის ყველას პასუხისმგებლობა. გარდა იმ ხალხისა, ვინც დღესაც, გუშინდელი ამბის, საღამოს შემდეგ აგრძელებს თბილისის კანალიზაციის პრობლემებზე საუბარს, მაგ ხალხს არაფერი ეშველება, მინიმუმ 5 ოქტომბრამდე, 5 ოქტომბრის მერეც კაცმა არ იცის, აღარც მაგაში ვარ დარწმუნებული,

თუ ჩვენ ვართ ცოტა, ისინი თამამდებიან და ხდებიან აგრესიულები, როცა ვართ ცოტა, ვართ სუსტები და სისუსტე, როგორც ერთი ძალიან ჭკვიანი კაცი ამბობდა, არის მაპროვოცირებელი ამორალური ნაბიჭვრებისთვის, მაშინ უჩნდებათ იმათ სურვილი რომ იძალადონ, თუ ჩვენ ვართ ბევრნი, ისინი ი.... რეალურად, ეშინიათ და იმალებიან,

ბევრნი ვართ, ძალა არის ჩვენს მხარეს, ამიტომ გამოდით ყველა და დაიცავით რაღაც უფრო მეტი, ვიდრე თქვენი პირადი კომფორტია, საბოლოო ჯამში, მეორედ აღარავინ დავიბადებით ამ ქვეყანაზე,

დღეს რეალურად გარეთ ყოფნაზე გადის მორალურობის ტესტი”, - წერს ზურაბ ჯაფარიძე.

ავტორი: ექსპრესნიუსი,

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან