საზღვაო ტრანსპორტის სააგენტოს ყოფილი ხელმძღვანელის, ალექსი ახვლედიანის ადვოკატის, ლალი აფციაურის განცხადებით, კალიგრაფიული ექსპერტიზით დადგინდა, რომ აჭარის ავტონომიური რესპუბლიკის ყოფილი ხელმძღვანელის, თორნიკე რიჟვაძის ქურთუკიდან ამოღებული წერილობითი ჩანაწერი ამ უკანასკნელს ეკუთვნის.

ადვოკატის თქმით, ლევან სამხარაულის სახელობის ექსპერტიზის ეროვნული ბიუროს აღნიშნული დასკვნა მას რამდენიმე დღის წინ გადაეცა.

სასამართლო პროცესზე აფციაური აპირებს შუამდგომლობით მიმართოს მისი დაცვის ქვეშ მყოფის წინააღმდეგ სისხლის სამართლის საქმის შეწყვეტის შესახებ.

„ექსპერტიზის დასკვნამ დაადასტურა, რომ ჩანაწერი ბატონმა რიჟვაძემ დაწერა, რაც მნიშვნელოვანია. რამდენიმე დღის წინ, მასალებთან ერთად, მტკიცებულებების გაცვლის დროს, ექსპერტიზის აღნიშნული დასკვნა გადმომცეს.

თქვენ ამას ზაზუნას ეძახით, მაგრამ ეს ზაზუნა დაკეტილია, კარი დაკეტილია, მასში თავისუფალი ადგილი არ არის. მან ჩანთა, რომელშიც ცეცხლსასროლი იარაღი იყო, სულ რამდენიმე წუთით დატოვა - ხელების დასაბანად შევიდა აბაზანაში, ამ ჩანთას იქ თან არ წაიღებდა, ალბათ დამეთანხმებით. თუ ეს შეიძლება იარაღის დაუდევრად შენახვად ჩაითვალოს, ამას საქმის არსებითი განხილვის დროს განვიხილავთ.

მოვითხოვ საქმის შეწყვეტას.

ბატონი რიჟვაძე ამ ეტაპამდე არ დაკითხულა. საქმეში არის დოკუმენტები, სადაც ნათქვამია, რომ მისი დაკითხვა ჯანმრთელობის მდგომარეობის გამო გადაიდო“, - განაცხადა ადვოკატმა.

გამოძიების თანახმად, რიჟვაძემ თვითმკვლელობა სცადა საზღვაო ტრანსპორტის სააგენტოს დირექტორის, ალექსანდრე ახვლედიანის იარაღის გამოყენებით, რომელსაც ბრალი წაუყენეს 238-ე მუხლით - იარაღის გაუფრთხილებლობით შენახვა. თბილისის საქალაქო სასამართლომ იგი 30 ათასი ლარის გირაოს სანაცვლოდ გაათავისუფლა. სხდომაზე ახვლედიანმა განაცხადა, რომ აპირებს გამოძიებასთან თანამშრომლობას.

რიჟვაძე ამჟამად მკურნალობას თურქეთში გადის.

ავტორი: ექსპრესნიუსი,

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან