„ლარის კურსის ვარდნა, ეს არის ობიექტური შედეგი იმისა, რომ ყველა ჩვენი დიდი პროექტი ჩემს ჯინაზე გაჩერდა“, – ამის შესახებ საქართველოს ექს–პრეზიდენტმა მიხეილ სააკაშვილმა გიორგი გაბუნიას გადაცემა „არჩევანში“ განაცხადა. 
სააკაშვილის პროგნოზით, ეროვნული ვალუტა კიდევ გაუფასურდება და აქვე დასძინა, რომ 2012 წლის შემდეგ საქართველოში მდგომარეობა გაუარესდა. 
 „ 2012 წელში,  როდესაც ხელისუფლება გადავაბარეთ, ლარის კურსი მაშინ 1.62 იყო.  სამწუხაროდ  პროგნოზი არის ლარის შემდგომი დაცემა.  ეს იმიტომ კი არა, რომ მე მინდა, ეს არის ობიექტური შედეგი  იმისა, რომ ჩვენი ყველა დიდი  პროექტი  ჩემს ჯინაზე გაჩერდა.  ამას ერთი ადამიანის სიგიჟეს  და ბოღმას მე ვერ დავაბრალებ. რუსეთისთვის კატასრტოფულად მძიმე იყო, რომ საქართველო ვითარდებოდა. ეს რომ ცხოვრების დონის გაუარესებას გამოიწვევდა, ამას დიდი ფილოსოფია რად უნდოდა?! ტურიზმი, რომელიც 57%–ით იყო გაზრდილი, ახლა 7 %–ით ვარდნა ფიქსირდება. ატომური ბომბი გვესროლა ვინმემ, ებოლა დაგვემართა თუ რა მოხდა?! რატომ უნდა შემცირებულიყო ასე ტურიზმი?!  აღარ აძლევდნენ ვიზებს, აღარ იყო ისეთი დახმარებები, რაც სააკაშვილის ახირებები ეგონათ.  ერთი სფერო მაინც მითხარით, რომელიც 2012 წლის 1 ოქტომბრის შემდეგ გაუმჯობესდა. არჩევნების წინ ხალხს ვეუბნებოდი, ერთი კითხვა დაუსვით თქვენს თავს – ჩვენ ახლა უკეთესად ვართ თუ არა, ვიდრე 2003 წელს, ყველა ამბობდა –კი. ახლა მინდა დავსვა კითხვა, ყველა ხართ თუ არა უკეთესად ჩემო ძვირფასო თანამემამულეებო, ვიდრე 2012 წლის 1 ოქტომბერს?  სამწუხაროდ პასუხი ძალიან გასაგებია“, – აღნიშნა სააკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან