ბათუმის საქალაქო სასამართლოში, სადაც „ბათუმელებისა“ და „ნეტგაზეთის“ დამფუძნებლის, მზია ამაღლობელის სისხლის სამართლის საქმეზე განაჩენი უნდა გახდეს ცნობილი, საქართველოს მეხუთე პრეზიდენტი, სალომე ზურაბიშვილი მივიდა.

პარალელურად, ბათუმის საქალაქო სასამართლოს ეზოში მზია ამაღლობელის მხარდამჭერები იკრიბებიან.

რამდენიმე წუთის წინ სასამართლოში მიიყვანეს მზია ამაღლობელიც, რომელსაც მხარდამჭერები გამამხნევებელი შეძახილებით შეხვდნენ, კერძოდ, ისმოდა შეძახილები: „მზია, გამაგრდი“, „თავისუფლება მზიას“.

ცნობისთვის, გამოცემა „ბათუმელებისა“ და „ნეტგაზეთის“ დამფუძნებელს გამოძიება პოლიციელზე თავდასხმას ედავება, რაც 4-დან 7 წლამდე პატიმრობას გულისხმობს. მან ბათუმის პოლიციის უფროს ირაკლი დგებუაძეს სილა გააწნა. საქმეს მოსამართლე ნინო სახელაშვილი განიხილავდა, რომელიც დღეს მზია ამაღლობელის საქმეზე განაჩენს გამოაცხადებს.

ავტორი: ექსპრესნიუსი,

სოციალური ქსელები

ბარნის“ ორცხობილა შეჭამა, ამის გამო ქმარმა ცემაში მოკლა - 19 წლის დედის გარდაცვალებამ ყაზახეთი შეძრა

თურქეთმა რუსული S-400 რაკეტებისთვის მყიდველების პოვნა ვერ შეძლო და მათ ჯართში ჩაბარებას გეგმავს

ნატომ რუსეთთან ომის შემთხვევაში გეგმა შეიმუშავა

რუსეთის უზენაესმა სასამართლომ პარტია „იაბლოკო“-ს არჩევნებში მონაწილეობა საბოლოოდ აუკრძალა