ვაშინგტონის კორესპონდენტი ალექს რაუფოღლუ იუწყება, რომ სამი სენატორი MEGOBARI-ს აქტის მიღებას ბლოკავს.

როგორც რაუფოღლუ სოციალურ ქსელში წერს, საუბარია სენატორებზე მარკვეინ მალინს, მაიკ ლიზე და რენ პოლზე.

„MEGOBARI აქტს, ორპარტიულ მნიშვნელოვან კანონპროექტს, რომელიც პუტინის წარმომადგენლებისთვის სანქციების დაწესებას და საქართველოს ევროატლანტიკურ მომავალს უჭერს მხარს, სამი სენატორი: მარკვეინ მულინი, მაიკ ლი და რენ პოლი ბლოკავს. მხოლოდ ერთი კითხვა მაქვს - რატომ? ეს მნიშვნელოვანი კანონპროექტი უკვე დამტკიცებულია წარმომადგენელთა პალატისა და სენატის საგარეო ურთიერთობათა კომიტეტის მიერ“, - წერს ალექს რაუფოღლუ.

MEGOBARI-ს კანონპროექტი ითვალისწინებს სანქციებს და ვიზების შეზღუდვებს მაღალი თანამდებობის პირების მიმართ. MEGOBARI აქტის სრული სახელწოდებაა „საქართველოს ანგარიშვალდებულების, მდგრადობისა და დამოუკიდებლობის შესაძლებლობების გაძლიერებისა და მობილიზაციის აქტი“.

მის ოფიციალურ სახელწოდებაში ასევე შედის: „ჩინეთის კომუნისტური პარტიის, ირანის რეჟიმისა და რუსეთის ფედერაციის გავლენის წინააღმდეგ ბრძოლა საქართველოში“.

ავტორი: ექსპრესნიუსი,

სოციალური ქსელები

კიდევ ხუთმა რეგიონში დაიწყო მამაკაცების დაკავება იძულებითი გაწვევისთვის

ნატოს თვითმფრინავებმა კალინინგრადის მახლობლად ოპერაცია ჩაატარეს

სუს: 2025 წლის 17 აგვისტოს სოფელ პერევის მიმდებარედ უკანონოდ დაკავებული საქართველოს მოქალაქე თავისუფალია

პუტინი: ჩვენს ინფრასტრუქტურაზე კიევის იერიშები ზიანს იწვევს, თუმცა ეს კრიტიკული ვერ იქნება