თინა ბოკუჩავას ოჯახზე ზეწოლა და მისი მეუღლის ამგვარი მეთოდით დაშინება, მითუმეტეს ისეთ თემაზე, რაზეც მან წლების წინ საჯაროდ მოიბოდიშა, მხოლოდ ავტორიტარულ ქვეყნებში ხდება და ხელისუფლების სისუსტის ნიშანია, - ამის შესახებ პარტია „ევროპული საქართველოს“ თავმჯდომარე, გიგი წერეთელი აცხადებს.

გიგი წერეთლის შეფასებით, პოლიტიკური ოპონენტების დევნა, ანგარიშსწორება და დაშინება გახდა სისტემის ერთადერთი ინსტრუმენტი ხელისუფლების შესანარჩუნებლად.

„ჩვენ ყოველდღიურად ვხედავთ სასამართლოებში პოლიტიკური ლიდერების და სამოქალაქო აქტივისტების პროცესებს, სინდისის პატიმრების და მათი ოჯახების შეუპოვარ ბრძოლას ოლიგარქიის წინააღმდეგ, საპროტესტო საზოგადოების უწყვეტ აქციებს თვეების განმავლობაში და საქართველოს ევროპული პერსპექტივის დაკარგვის სამწუხარო რეალობას. ამ ვითარებაში „ოცნების“ ხელისუფლებას პასუხი მხოლოდ რეპრესიები და ძალის დემონსტრირებაა. პოლიტიკური ოპონენტების დევნა, ანგარიშსწორება და დაშინება გახდა სისტემის ერთადერთი ინსტრუმენტი ხელისუფლების შესანარჩუნებლად. ეს ყველაფერი კიდევ უფრო ამძიმებს ვითარებას და აღრმავებს არსებულ კრიზისს. ამავდროულად, ეს ვერ შეაჩერებს ამ ქვეყნის თავისუფლებისა და ცივილიზებული მომავლისთვის ბრძოლას“, - განაცხადა გიგი წერეთელმა.

ავტორი: ექსპრესნიუსი,

სოციალური ქსელები

მოამზადე ავტომობილი საზაფხულო მოგზაურობისთვის და გაიარე მეტი "თეგეტა მოტორსთან" ერთად

საქართველოს ბანკმა Global Finance-ის საუკეთესო ციფრული ბანკების დაჯილდოებაზე 33 ჯილდო მიიღო

დაიწყე მზადება 2026 წლის საგანმანათლებლო პროგრამებისთვის და აღმოაჩინე საქართველოს ბანკის მიერ შექმნილი შესაძლებლობები

მოსკოვის შემდეგ, სანქტ-პეტერბურგმაც დააწესა შეზღუდვები ბენზინის გაყიდვაზე