2016-03-18 09:11:53, 430 ნახვა
პოლიტიკა
ზურაბ აბაშიძე: პრაღის ფორმატზე უარის თქმა პრობლემების მასშტაბებს გაზრდის
„პრაღის ფორმატზე უარის თქმა ვერანაირ პრობლემებს ვერ მოაგვარებს, პირიქით გაზრდის“,-ასე გამოეხმაურა პრემიერ-მინისტრის სპეციალური წარმომადგენელი რუსეთთან ურთიერთობის საკითხებში ზურაბ აბაშიძე ოკუპირებული ტერიტორიების შესახებ კანონის გაუქმების თაობაზე რუსეთის საგარეო საქმეთა მინისტრის პირველი მოადგილის გრიგორი კარასინის განცხადებას.
მისი თქმით, შევა თუ არა ოკუპირებული ტერიტორიების შესახებ კანონში რაიმე ცვლილება ან გაუქმდება თუ არა, ეს მხოლოდ პარლამენტის გადასაწყვეტია და ამაზე შეხვედრისას არ უსაუბარიათ.
„ამ ფორმატზე უარის თქმა ვერანაირ პრობლემებს ვერ მოაგვარებს, პირიქით გაზრდის მასშტაბებს და ეს ჩვენ ქვეყანაზე და ყველა ჩვენთაგანზე მტკივნეულად აისახება. თუ ჭკვიანურად მოვიქცევით არაფერი დაგვემუქრება,“ - აღნიშნა ზურაბ აბაშიძემ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
