ესტონეთის საგარეო საქმეთა მინისტრი, მარგუს ცაჰკნა სტამბოლში უკრაინასთან პირდაპირი მოლაპარაკებების შესახებ ვლადიმერ პუტინის წინადადებას ეხმაურება და აცხადებს, რომ რუსეთის პრეზიდენტი განზრახ აფერხებს სამშვიდობო პროცესს.

ესტონეთის საგარეო უწყების ხელმძღვანელის თქმით, მას არ სჯერა, რომ რუსეთის ლიდერს მშვიდობის მიღწევის გულწრფელი განზრახვა ამოძრავებს.

„ერთადერთი, ვინც რეალურად ცეცხლის შეწყვეტისკენ ისწრაფვის, უკრაინაა და ის ამას საკმაოდ ღიად აკეთებს: პრეზიდენტ ზელენსკის ინიციატივით, ასევე შეერთებული შტატების, მათ შორის ტრამპის და მთელი ევროპის ხელშესახები მხარდაჭერით“, - განაცხადა ცაჰკნამ.

ესტონეთის საგარეო საქმეთა სამინისტროს ხელმძღვანელის თქმით, პუტინს „მხოლოდ ერთი ბრძანება დასჭირდება ცეცხლის შეწყვეტის ძალაში შესასვლელად“.

„მაგრამ, როგორც ჩანს, პუტინს ეს ზავი არ სურს. ახლა, როგორც ჩანს, ის ახალ ხაფანგს აწყობს და თურქეთს შუამავლად იყენებს გარკვეული ორმხრივი მოლაპარაკებების დასაწყებად“, - დაასკვნა ცაჰკნამ.

შეგახსენებთ, რუსეთის პრეზიდენტმა, ვლადიმერ პუტინმა კიევს სტამბოლში 15 მაისს პირდაპირი მოლაპარაკებების ყოველგვარი წინაპირობების გარეშე განახლება შესთავაზა.

ავტორი: ექსპრესნიუსი,

სოციალური ქსელები

შიო III-მ უკრაინაში მოსკოვის საპატრიარქოს წარმომადგენელ მიტროპოლიტ ონოფრეს ინტრონიზაციის წლისთავი მიულოცა

ვიღაცა მაგრად თამაშობს - დადიანიძის დედა მისი შვილის სახელით გავრცელებულ FB-პოსტებზე

საქართველოში მიწისძვრა მოხდა

ივანიშვილის მარიონეტი მაჭავარიანი წერს, რომ ყველაფერი გააკეთეს მედიის, არასამთავრობოების გასაქრობად, მიიღეს შესაბამისი კანონები