კანადაში საყოველთაო არჩევნები მიმდინარეობს. ამის შესახებ ინფორმაციას BBC-ი ავრცელებს.

BBC-ის ცნობით, ნიუფაუნდლენდსა და ლაბრადორის პროვინციის ზოგიერთ ნაწილში საარჩევნო უბნები უკვე გაიხსნა და კანადის ფედერალურ არჩევნებში ხმის მიცემა ოფიციალურად დაიწყო.

ამასთან, ვადამდელი ხმის მიცემის პროცედურით რეკორდული რაოდენობის, 7.3 მილიონმა კანადელმა უკვე ისარგებლა.

წინასწარი გამოკითხვების თანახმად, მთავარი ბრძოლა პრემიერ-მინისტრ მარკ კარნის მმართველ „ლიბერალებსა“ და პიერ პუალიევის ოპოზიციურ „კონსერვატორებს“ შორის გაიმართება.

კანადის საყოველთაო არჩევნებთან დაკავშირებით განცხადება აშშ-ის პრეზიდენტმა, დონალდ ტრამპმაც გაავრცელა.

„წარმატებები შესანიშნავ კანადელ ხალხს. აირჩიეთ ადამიანი, რომელსაც ექნება ძალა და სიბრძნე, რომ გაანახევროს თქვენი გადასახადები, თქვენი სამხედრო სიძლიერე მსოფლიოში უმაღლეს დონემდე უფასოდ გაზარდოს და გააოთხმაგოს თქვენი ავტომობილების, ფოლადის, ალუმინის, ხე-ტყის, ენერგიისა და ყველა სხვა ინდუსტრიის წარმოება, ტარიფებისა და გადასახადების გარეშე, თუ კანადა გახდება ძვირფასი 51-ე შტატი. ამერიკის შეერთებული შტატების 51-ე შტატი. მრავალი წლის წინ ხელოვნურად გავლებული საზღვარი აღარ იარსებებს. ამერიკას აღარ შეუძლია კანადის სუბსიდირება იმ ასობით მილიარდი დოლარით, რომელსაც წარსულში ჩვენ წელიწადში ვხარჯავდით. ამას აზრი არ აქვს, თუ კანადა შტატი არ იქნება!“, - დაწერა აშშ-ის პრეზიდენტმა Truth Social-ზე.

ავტორი: ექსპრესნიუსი,

სოციალური ქსელები

ილია თოფურია ჯასტინ გეიჯს - ეს ისტორია ჩვენს შორის შორსაა დასრულებისგან, ჩვენ გვექნება ჩვენი რემატჩი

ტრამპმა განაცხადა, რომ ირანის შემდეგ ის უკრაინაში ომზე „კონცენტრირდება“.

სქროლვა-სქრინვის (ცენზურის) დეპარტამენტმა სასამართლოებს უკვე 60 საქმე გადასცა

Amnesty — საქართველოს ხელისუფლებას: შეწყვიტეთ ცილისწამება, გააუქმეთ კანონები და გამოიძიეთ ძალადობა