ევროკავშირის ელჩი საქართველოში იანოშ ჰერმანი პირადი ცხოვრების ამსახველი ფარული ვიდეოკადრების გავრცელებას გამოეხმაურა.

როგორც ელჩმა ჟურნალისტებს განუცხადა, პირადი ცხოვრება ხელშეუხებელი უნდა იყოს, რაც საქართველოსა და ევროკავშირს შორის თანამშრომლობის პრიორიტეტებშიც შედის.

ჰერმანის თქმით, მნიშვნელოვანია, რომ ასეთი მასალების გამოქვეყნების მიუღებლობასთან დაკავშირებით, საზოგადოების მხრიდან ერთიანობა იყო გამოხატული და სასურველი იქნება, თუკი ასეთი ერთიანობა მომავალშიც გაგრძელდება.

„თავად კითხვაში აღინიშნა, რომ საზოგადოება შოკირებული იყო ასეთი მასალების გამოქვეყნებით. შეგიძლიათ ჩათვალოთ, რომ მეც ამ საზოგადოების ნაწილი ვარ, რომელიც შოკირებული იყო, რომ ასეთი მასალები დაიდო და ვეთანხმები იმ საზოგადოებრივ მოსაზრებას, რომ პირადი ცხოვრება ხელშეუხებელი უნდა იყოს. უდნა აღვნიშნოთ, რომ პირადი ცხოვრების ხელშეუხებლობა, ასევე შედის საქართველოსა და ევროკავშირს შორის თანამშრომლობის პრიორიტეტებში. სიმართლე გითხრათ, მე არ მსურს ამ თემაზე უფრო გავრცობილად საუბარი, უბრალოდ ვიტყოდი, რომ კარგია, რომ იყო ერთიანობა გამოხატული საზოგადოების მხრიდან ასეთი მასალების გამოქვეყნების მიუღებლობასთან დაკავშირებით. ამ საკითხზე გაერთიანდა როგორც პოლიტიკური სპექტრი, ასევე სამოქალაქო საზოგადოება, რიგითი მოქალაქე და სასურველი იქნება, რომ ასეთი ერთიანობა ამ საკითხის მიმართ მომავალშიც გაგრძელდეს“, - განაცხადა იანოშ ჰერმანმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან