2025-04-14 14:14:43, 827 ნახვა
მსოფლიო
ანალენა ბერბოკი - რუსეთის პრეზიდენტს სურს, გააგრძელოს უკრაინის განადგურება
სუმიზე საშინელი თავდასხმა ცხადყოფს, რომ რუსეთის პრეზიდენტს სურს, გააგრძელოს უკრაინის განადგურება და ამით განაგრძოს შეტევა ევროპულ მშვიდობაზე, – ამის შესახებ გერმანიის მოქმედმა საგარეო საქმეთა მინისტრმა, ანალენა ბერბოკმა განაცხადა.
გერმანიის საგარეო უწყების ხელმძღვანელის თქმით, რუსეთის თავდასხმა ცხადყოფს, რომ ვისაც მშვიდობა სურს, უნდა დაიცვას უკრაინა და უკრაინას მხარი დაუჭიროს.
„ამიტომ, უკრაინის დაცვის გაზრდა, უკრაინისადმი მხარდაჭერის გაზრდა არის სამშვიდობო პოლიტიკა. ჩვენ მხოლოდ ერთობლივი ძალით შევძლებთ ევროპაში მშვიდობის უზრუნველყოფას. რაც უფრო ფართოა ეს მხარდაჭერა მთელ მსოფლიოში, მით უფრო დიდია ალბათობა იმისა, რომ ერთ დღეს ჩვენ საბოლოოდ შევძლებთ ევროპის მშვიდობისკენ მიმავალ გზაზე დადგომას“, – განაცხადა ანალენა ბერბოკმა.
ავტორი: ექსპრესნიუსი,
epn.ge (@expressnews.ge)
