იმ მოცემულობაში, როცა უცხო ქვეყნის ელჩებს ტაშისკვრით მიაცილებენ მემორიალთან, ეს სწორედ უცხოური ძალის მართული გარკვეული ჯგუფები, ცდილობენ, რომ არეულობა, დისონანსი, ის მდგენელი შემოიტანონ, რომელიც ნამდვილად არ ეკადრება ქართველ ხალხს და ქართველ ერს დღევანდელ დღეს, - ამის შესახებ „ქართული ოცნების“ დეპუტატმა, პარლამენტის საპროცედურო საკითხთა და წესების კომიტეტის თავმჯდომარემ, დავით მათიკაშვილმა, ჟურნალისტებს განუცხადა.

როგორც მან აღნიშნა, პარლამენტთან დღეს მიმდინარე პროტესტი უცხოური ძალის მიერ აგენტურის მართვისა და ქართველებისთვის მნიშნელოვანი დღის, ვიწროპარტიული მიზნების მისაღწევად პროვოკაციის მოწყობის მცდელობის ნათელი მაგალითია. ამის მიუხედავად, მათიკაშვილის თქმითვე, როგორც 36 წლის წინ, ახლაც, ქართველი ერი მეტად გაერთიანდება და „ვერც ერთი უცხო ძალა ვერ შეძლებს საქართველო შეაშინოს“.

„ეს არის ნათელი მაგალითი უცხოური ძალის მიერ აგენტურის მართვის და მცდელობის, რომ ამ ღირსებით და ტრაგიზმით სავსე დღეს, რომელიც ერთიანობის სიმბოლო უნდა იყოს, მოაწყონ პროვოკაცია საკუთარი ვიწროპარტიული, ქვეყნის ფარგლებს გარედან მართული მიზნების განსახორციელებლად.

როგორც მაშინ, 36 წლის წინ, ქართველი ხალხი დადგა მტკიცედ, მიუხედავად იმ დანაშაულისა, რაც ჩაიდინეს ჩვენი - ქართველების წინააღმდეგ 9 აპრილს, ამ ყველაფერმა პირიქით, ერის კონსოლიდაცია, გაერთიანება და შემდგომში უკვე დამოუკიდებლობის გამოცხადება გამოიწვია, დღესაც, ვერც ერთი უცხოური ძალა ვერ შეძლებს იმას, რომ ქართველთა მტკიცე ნაბიჯებით სვლა ჩვენი ქვეყნის განვითარებისკენ, სუვერენიტეტის და დამოუკიდებლობის დაცვისკენ, იყოს შერყეული. ამიტომაც, ეს გზავნილი მთელი მსოფლიოსთვის ღიად და საჯარო უნდა იყოს ნათქვამი, რომ უცხოური ძალა, საქართველოს და ქართველებს ვერანაირად ვერ შეაშინებს“, - აღნიშნა მათიკაშვილმა.

ავტორი: ექსპრესნიუსი,

სოციალური ქსელები

რეჟიმი გეგმავს მოქალაქეთა პირადი ცხოვრება აკონტროლოს, უცხოელზე დაქორწინებას კომისია შეისწავლის

ბოკუჩავა - ენმ-ს გარე აუდიტი არ სჭირდება იმის აღსაქმელად, რომ მძიმე გამოწვევების წინაშე ვდგავართ

თუ სიჩქარის მცირედი გადაჭარბება იქნება, მძღოლი 50 ლარით დაჯარიმდება, ჯარიმები გაიზრდება - დარახველიძე

საქართველოში შექმნილია სასათბურე პირობები ირანის ტერორისტული რეჟიმის ქსელისთვის – დროა