2016-03-14 11:26:46, 467 ნახვა
პოლიტიკა
თურქეთში სასამართლომ Facebook-ი და Twitter-ი დაბლოკა
თურქეთის დედაქალაქ ანკარის სასამართლომ სოციალური ქსელების Facebook-ის და Twitter-ის დაბლოკვის გადაწყვეტილება მიიღო, - ამის შესახებ ინფორმაციას BBC ავრცელებს.
როგორც მედია საშუალება იტყობინება, ეს გადაწყვეტილება ანკარაში გუშინ მომხდარი აფეთქების შემდეგ მიიღეს. ამის მიზეზი სოციალურ ქსელებში აფეთქების და დაღუპულების ამსახველი ფოტომასალები აიტვირთა.
შეგახსენებთ, ანკარაში აფეთქება გუშინ საღამოს ადგილობრივი დროით, 18:40 საათზე მოხდა. ბოლო მონაცემებით, 34 ადამიანი გარდაიცვალა, ხოლო 125 დაშავდა. მომხდარზე პასუხისმგებლობა ჯერ არცერთი დაჯგუფებას არ აუღია.
როგორც თურქეთის დაზვერვის სამსახურის წყარო იტყობინება, მთავრობა ეჭვობს, რომ თავდასხმა "ქურთისტანის მუშათა პარტიის" ან მასთან კავშირში მყოფი დაჯგუფებების მიერ იყო ორგანიზებული.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
