ბრალი ეხება ჩემს არ მისვლას ე.წ. კომისიაში, რომელიც შექმნილია არალეგიტიმური პარლამენტის მიერ. ეს კომისია ცირკის სანახაობაა, თავის ხელმძღვანელით, რომელიც პირდაპირ ჩვენი ქვეყნის დისკრედიტაციას ახდენს, - ამის შესახებ „ლელო - ძლიერი საქართველოს“ ლიდერმა მამუკა ხაზარაძემ განაცხადა.

მისი თქმით, საქართველოს 34 წლიანი დამოუკიდებლობის ისტორიაში, ქვეყანა დიდი უფსკრულის წინაშეა.

„თბილისის პროკურატურაში დამიბარეს, სადაც ბრალი უნდა წამიყენონ. ბრალი ეხება ჩემს არ მისვლას ე.წ. კომისიაში, რომელიც შექმნილია არალეგიტიმური პარლამენტის მიერ. ეს კომისია ცირკის სანახაობაა, თავის ხელმძღვანელით, რომელიც პირდაპირ ჩვენი ქვეყნის დისკრედიტაციას ახდენს. პირდაპირ ეთერში იხილავს და შეურაცხყოფას აყენებს ჩვენს გმირებს, გენერლებს, იმ ადამიანებს, რომლებმაც ბოლო 30-35 წლის განმავლობაში თავი შესწირეს საქართველოს დამოუკიდებლობასა და თავისუფლებას.

რა ბრალიც არ უნდა წამიყენონ, ვაცხადებ, რომ ე.წ. პარლამენტს არ ვაღიარებ და არც ამ კომისიას, რომელიც ანტიეროვნულ საქმიანობას ეწევა.

ქვეყანა დიდი უფსკრულის წინაშეა. ასეთი მძიმე მდგომარეობა, როდესაც ქვეყნის დარჩენილი ტერიტორიების 80% ფორმალურად ოკუპაციის საშიშროების წინაშეა, 34 წლის განმავლობაში არ ყოფილა.

ბრძოლა ყველა მშვიდობიანი მეთოდით გაგრძელდება!“,- განაცხადა მამუკა ხაზარაძემ.

ავტორი: ექსპრესნიუსი,

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს