საიას დაცვის ქვეშ მყოფმა თემურ ქათამაძემ შიმშილობა ხელმეორედ დაიწყო. "ბათუმელი მედროშე" ციხიდან წერილს აგზავნის. 

"მე, "ბათუმელი მედროშე" თემურ ქათამაძე, პირველი აპრილიდან ახალ შიმშილობას ვაცხადებ და ვუძღვნი თურქეთის ეთნიკური ქართველების - ჩვენებურების ბელადს, ახმედ მელაშვილს!

რა თქმა უნდა, ბრძოლის ეს ფორმა, ჩემთვის უკვე კი "სიმბოლურია", როგორც 9 ძმა ხერხეულიძე.

თუმცა, ბრძოლის ეს ფორმა, პირველ რიგში, სინდისის პატიმრებისთვის და შემდეგ ივანიშვილის რეჟიმის წინააღმდეგ დღემდე ქუჩაში გამოსული თანამებრძოლებისთვის კი, ბრწყინვალე მაგალითია. 

ასევე ვუცხადებ ჩემს სრულ მხარდაჭერას და სოლიდარობას, ბიზნესმენ გიორგი ბწყინვალე ჩიკვაიძეს. 

და ჩემგან განსაკუთრებული მოკითხვა "ავტოფაგიის ოსტატს", აფგან მუჰთარლის.

სადაც არ უნდა ვიყოთ, რა პირობებშიც არ უნდა ვიყოთ, ჩვენი ბრძოლა ყველგან გაგრძელდება ბოლომდე, დიდებულად, გამარჯვებამდე!

ანწუხელიძე უკვდავი და მარადიულია!

არასდროს, არასდროს არ დანებდე!

იცოდეთ, ერთი სათვალით, ერთი კალმით და ერთი ფურცლით უნდა დამარცხდეთ! " - წერს "ბათუმელი მედროშე" თემურ ქათამაძე.

ავტორი: ექსპრესნიუსი,

სოციალური ქსელები

უკრაინა რუსეთს ზედიზედ მესამე დღეა უტევს რეკორდული რაოდენობის დრონებით

რუსეთის საარჩევნო კომისია, საზღვარგარეთ მცხოვრებ რუსებს არჩევნებში მონაწილეობის მიღებას აუკრძალავს, ივანიშვილის რეჟიმმა პუტინს ნახევარი წლით დაასწრო

კობახიძე ოკუპირებულ აფხაზეთში საწვავის შეტანაზე- ჩვენთვის მიზანი არა ფულის შოვნა, არამედ ნდობის აღდგენა იყო

კობახიძე- თეორიულადაც ვერ წარმომიდგენია, რატომ შეიძლება შეექმნას ღარიბაშვილის ოჯახს საფრთხე