ევროკავშირი და წევრი ქვეყნები ახლა უკრაინის ძირითადი სტრატეგიული პარტნიორები არიან და კიევს თავდაცვის უფლების დაცვაში უნდა დაეხმარონ. ამის შესახებ ევროპარლამენტის მიერ 12 მარტს მიღებულ რეზოლუციაში არის ნათქვამი.

რეზოლუციაში ევროპარლამენტარები მიესალმებიან 30-დღიანი ცეცხლის შეწყვეტის შესახებ წინადადებას და მოელიან, რომ რუსეთი მას დათანხმდება და შემდგომ ყველანაირ თავდასხმას შეწყვეტს უკრაინის მოსახლეობის, ინფრასტრუქტურისა და ტერიტორიის წინააღმდეგ.

ევროპარლამენტარები ასევე აღნიშნავენ, რომ რუსეთის აგრესიულ ომთან მიმართებაში აშშ-ის პოზიციის “აშკარა ცვლილების” შემდეგ, “რომელიც მიმდინარე ომისთვის უკრაინის ღიად დადანაშაულებასაც მოიცავდა”, ევროკავშირი და მისი წევრი ქვეყნები ახლა უკრაინის ძირითადი სტრატეგიული პარტნიორები არიან და თავიანთი, როგორც ყველაზე დიდი დონორის როლი უნდა შეინარჩუნონ. ასევე აღნიშნულია, რომ უკრაინის თავდაცვის უფლების დასაცავად ევროკავშირმა და წევრმა ქვეყნებმა მნიშვნელოვნად უნდა გაზარდონ ქვეყნისთვის ძალიან საჭირო დახმარება.

რეზოლუცია ასევე აღნიშნავს, რომ შემდგომი რუსული აგრესიის შესაკავებლად ევროკავშირმა წვლილი უნდა შეიტანოს უკრაინისთვის მტკიცე უსაფრთხოების გარანტიებში.

ევროპარლამენტარები ასევე ღრმად ეწინააღმდეგებიან უკრაინის ხელმძღვანელობის შანტაჟის ნებისმიერ მცდელობას, რათა დანებდნენ ე.წ. “სამშვიდობო შეთანხმების” მისაღწევად.

რეზოლუცია აღნიშნავს, რომ ევროპულ უსაფრთხოებაზე არავითარი მოლაპარაკებები არ შეიძლება არსებობდეს ევროკავშირის გარეშე და ევროპარლამენტარები მიესალმებიან ‘მსურველთა კოალიციის’ ჩამოყალიბებას სამომავლო სამშვიდობო შეთანხმების ევროპის ლიდერობით აღსრულებისთვის. ევროპარლამენტარები ასევე „გაოგნებულები არიან“ აშშ-ის ადმინისტრაციის მიერ „რუსეთის დაშოშმინებითა და სამიზნეში მოკავშირეების ამოღებით“.

რეზოლუციას 442-მა ევროპარლამენტარმა დაუჭირა მხარი, 98 წინააღმდეგ წავიდა, ხოლო 126-მა თავი შეიკავა.

ავტორი: ექსპრესნიუსი,

სოციალური ქსელები

კიდევ ხუთმა რეგიონში დაიწყო მამაკაცების დაკავება იძულებითი გაწვევისთვის

ნატოს თვითმფრინავებმა კალინინგრადის მახლობლად ოპერაცია ჩაატარეს

სუს: 2025 წლის 17 აგვისტოს სოფელ პერევის მიმდებარედ უკანონოდ დაკავებული საქართველოს მოქალაქე თავისუფალია

პუტინი: ჩვენს ინფრასტრუქტურაზე კიევის იერიშები ზიანს იწვევს, თუმცა ეს კრიტიკული ვერ იქნება