2025-02-22 14:01:14, 497 ნახვა

---

სერგეი რიაბკოვი - შესაძლოა, მომდევნო ორი კვირის განმავლობაში რუსეთისა და აშშ-ის დელეგაციებს შორის მორიგი შეხვედრა გაიმართოს

მომდევნო ორი კვირის განმავლობაში, შესაძლოა რუსეთისა და აშშ-ის დელეგაციებს შორის მორიგი შეხვედრა გაიმართოს.  - ინფორმაციას, რუსეთის საგარეო საქმეთა მინისტრის მოადგილე, სერგეი რიაბკოვი ავრცელებს.

„პრინციპული შეთანხმება არსებობს, რომ ე.წ გამაღიზიანებლების მთელი ბლოკის სისტემატური და დეტალური აღმოფხვრისთვის შესაბამისი ყოვლისმომცველი კონსულტაციები გაიმართოს. ამერიკული მხრიდან ინფორმაცია უნდა მივიღოთ, თუ ვინ იქნება ამ დონეზე ჩვენი თანამოსაუბრე. ამერიკელებს ჩვენი მზადყოფნა დავუდასტურეთ. ასევე, მოადგილეებს შორის შეხვედრის წინ შესაბამისი დეპარტამენტების ხელმძღვანელებს შორის კონტაქტი უნდა შედგეს. მათი შეხვედრა, შესაძლოა, მომდევნო ორი კვირის განმავლობაში გაიმართოს“, - განაცხადა სერგეი რიაბკოვმა.

რიაბკოვის თქმით, ორი ქვეყნის შესაბამისი დეპარტამენტების ხელმძღვანელების დონეზე შეხვედრა მესამე ქვეყანაში გაიმართება და კონკრეტული ადგილის შესახებ მოლაპარაკებები მიმდინარეობს.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი