ჩვენ გრენლანდია უნდა დავიცვათ, - ამის შესახებ აშშ-ის პრეზიდენტმა, დონალდ ტრამპმა ჟურნალისტებს განუცხადა.

„გრენლანდიასთან დაკავშირებით რაღაც უნდა გავაკეთოთ. ჩვენ გრენლანდია უნდა დავიცვათ. ჩვენ ეს ეროვნული უსაფრთხოებისთვის გვჭირდება და მეტიც, ჩვენ ეს საერთაშორისო უსაფრთხოებისთვის გვჭირდება“, - განაცხადა დონალდ ტრამპმა.

ამასთან, მისი თქმით, აშშ-ის დედაქალაქი, ვაშინგტონი ქვეყნის ფედერალურმა მთავრობამ უნდა მართოს.

„ვფიქრობ, ვაშინგტონის, კოლუმბიის ოლქის მართვა საკუთარ ხელში უნდა ავიღოთ და ის უფრო უსაფრთხო გავხადოთ. ვფიქრობ, კოლუმბიის ოლქი ჩვენ უნდა ვმართოთ, კანონისა და წესრიგის დაცვით უნდა ვმართოთ და იგი შესანიშნავი უნდა გავხადოთ“, - აღნიშნა აშშ-ის პრეზიდენტმა.

დონალდ ტრამპმა აღნიშნა, რომ ვაშინგტონში დანაშაულის დონე ძალიან მაღალია.

„ძალიან ბევრი დანაშაულია, გაზონებზე ძალიან ბევრი კარავია. ძალიან ბევრი უსახლკაროა. ჩვენ უსახლკაროებს უნდა მივხედოთ. ამის ვაშინგტონში დაშვება არ შეიძლება, როდესაც ჩემთან ვიზიტით ჩამოდიან, მაგალითად, მაკრონი ჩამოდის, დიდი ბრიტანეთის პრემიერ-მინისტრი ჩამოდის, პრეზიდენტი სი ძინპინი ჩამოვა და ამას ვერ დავუშვებთ“, - განაცხადა დონალდ ტრამპმა.

ავტორი: ექსპრესნიუსი,

სოციალური ქსელები

საქართველოს კინოცენტრი: ლოკარნოს კინოფესტივალზე ფილმი „ცრემლსადენი გაზი“ არ დაგვიბლოკავს

ახალი სასკოლო ფორმების გაყიდვა საქართველოში 1 სექტემბერს დაიწყება

რუსეთი აფხაზეთის ე.წ საზღვარზე საკონტროლო-გამშვები პუნქტის ფეხით მოსიარულეთა მონაკვეთს გააკეთებს

Tv pirveli: ირაკლი ღარიბაშვილთან ციხეში ადვოკატის სახელით მისი ცოლის და შევიდა