რუსეთის საგარეო საქმეთა მინისტრი, სერგეი ლავროვი და რუსეთის პრეზიდენტის თანაშემწე, იური უშაკოვი სამშაბათს ერ-რიადში აშშ-ის წარმომადგენლებს შეხვდებიან, - რუსული მედიის ინფორმაციით, ამის შესახებ რუსეთის პრეზიდენტის პრესმდივანმა, დიმიტრი პესკოვმა განაცხადა.

პესკოვმა ჟურნალისტებს განუცხადა, რომ ლავროვი და უშაკოვი რუსეთის პრეზიდენტის ვლადიმერ პუტინის დავალებით ერ-რიადში დღეს გაემგზავრებიან.

„მოსალოდნელია, რომ სამშაბათს ერ-რიადში ისინი ამერიკელ კოლეგებთან გამართავენ შეხვედრას, რომელიც, უპირველეს ყოვლისა, დაეთმობა რუსეთ-ამერიკის ურთიერთობების მთელი კომპლექსის აღდგენას“, - განაცხადა პესკოვმა.

ამასთან, ცნობილი გახდა, რომ აშშ-ის სახელმწიფო მდივანი, მარკო რუბიო საუდის არაბეთში ჩავიდა. მედიის ინფორმაციით, რუსეთის დელეგაციასთან შეხვედრას, რუბიოს გარდა, აშშ-ის მხრიდან ასევე დაესწრებიან თეთრი სახლის მრჩეველი ეროვნული უსაფრთხოების საკითხებში მაიკ უოლცი და აშშ-ის სპეციალური წარმომადგენელი ახლო აღმოსავლეთში სტივ უიტკოფი.

ავტორი: ექსპრესნიუსი,

სოციალური ქსელები

ნინო ლომჯარია TV იმედს სასამართლოში უჩივის

ზურაბიშვილი: ელენე ხოშტარიას, სასწრაფო სასიცოცხლოდ მნიშვნელოვანი სამედიცინო დახმარება სჭირდება

ბოკუჩავა: რა თქმა უნდა, ვრჩები ნაციონალურ მოძრაობაში, ვიბრძოლებ ბოლომდე!

გვარამიას თქმით, მოსამართლემ არ დააკმაყოფილა ხოშტარიას მდგომარეობის შესწავლის შუამდგომლობა