2025-02-12 14:27:54, 383 ნახვა
პოლიტიკა
პარლამენტის მიერ შექმნილი დროებითი საგამოძიებო კომისია ხვალ პირველ სხდომას გამართავს
2003-2012 წლების ხელისუფლების და პოლიტიკური თანამდებობის პირების საქმიანობის შესწავლის მიზნით შექმნილი დროებითი საგამოძიებო კომისია ხვალ პირველ სხდომას გამართავს.
პირველი სხდომა საორგანიზაციო ხასიათის იქნება, სადაც აირჩევენ კომისიის თავმჯდომარეს, კომისიის მდივანს და კომისიის დებულებას დაამტკიცებენ.
ფრაქცია „ქართული ოცნებიდან“ კომისიის წევრები იქნებიან თეა წულუკიანი, ალექსანდრე ტაბატაძე, თენგიზ შარმანაშვილი, ალუდა ღუდუშაური და პაატა სალია. საპარლამენტო ოპოზიციის სტატუსით კი კომისიის წევრები იქნებიან – „ხალხის ძალიდან“ სოზარ სუბარი და გურამ მაჭარაშვილი, ხოლო „ევროპელი სოციალისტებიდან“ – ილია ინჯია.
საგამოძიებო კომისია ათი წევრით არის განსაზღვრული. კომისიაში ორი ადგილი ვაკანტურად რჩება და ის განკუთვნილია პარტიის „გახარია საქართველოსთვის“ წევრებისთვის.
ავტორი: ექსპრესნიუსი,
epn.ge (@expressnews.ge)
