რუმინეთის პრეზიდენტი თანამდებობიდან გადადგა. ამის შესახებ ინფორმაციას სააგენტო Reuters ავრცელებს.

„რუმინეთისა და რუმინეთის მოქალაქეებისთვის კრიზისის თავიდან ასაცილებლად, მე რუმინეთის პრეზიდენტის თანამდებობას ვტოვებ“, - განაცხადა კლაუს იოჰანისმა.

კლაუს იოჰანისი რუმინეთის პრეზიდენტის თანამდებობას ოფიციალურად ოთხშაბათს დატოვებს.

გასულ თვეში რუმინეთის სამმა ულტრამემარჯვენე პარტიამ იოჰანისის იმპიჩმენტის პროცედურის დაწყება მოითხოვა და პარლამენტში კენჭისყრა 11 თებერვალს უნდა შემდგარიყო.

ცნობისთვის, რუმინეთის საკონსტიტუციო სასამართლომ ნოემბერში გამართული საპრეზიდენტო არჩევნების შედეგები გააუქმა, მას შემდეგ რაც ქვეყნის უსაფრთხოების სამსახურებმა განაცხადეს, რომ რუსეთი რუმინეთის წინააღმდეგ ჰიბრიდულ თავდასხმებს ახორციელებდა. არჩევნების პირველ ტურში ულტრამემარჯვენე კანდიდატმა, კალინ ჯორჯესკუმ გაიმარჯვა. რუმინეთის საკონსტიტუციო სასამართლოს გადაწყვეტილებით, კლაუს იოჰანისი, რომელსაც უფლებამოსილების ვადა 21 დეკემბერს ამოეწურა, თანამდებობაზე ახალი პრეზიდენტის არჩევამდე უნდა დარჩენილიყო.

რუმინეთის მთავრობის გადაწყვეტილებით, ხელახალი საპრეზიდენტო არჩევნების პირველი ტური 4 მაისს, ხოლო მეორე ტური 18 მაისს გაიმართება.

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა