უკრაინის თავდაცვის სამინისტროს დაზვერვის მთავარი სამმართველოს (GUR) ოფიციალური ინფორმაციით, მის სტრუქტურაში არ არსებობს დანაყოფი, სახელწოდებით „ქართული ეროვნული ლეგიონი“.

„უკრაინის თავდაცვის სამინისტროს დაზვერვის მთავარი სამმართველო ოფიციალურად აცხადებს, რომ მის სტრუქტურაში ასეთი დანაყოფი არ ფუნქციონირებს“, – ნათქვამია განცხადებაში, რომელსაც უკრაინული მედია ავრცელებს.

დაზვერვის უწყება ამ განცხადებით სლოვაკეთის პრემიერ-მინისტრის, რობერტ ფიცოს ბრალდებებს პასუხობს. ფიცომ „ქართული ლეგიონის“ მებრძოლები სლოვაკეთში მიმდინარე ანტისამთავრობო საპროტესტო აქციებში მონაწილეობაში დაადანაშაულა. ამასთან, სლოვაკეთის შინაგან საქმეთა სამინისტრომ „ქართული ლეგიონის“ მეთაურს, მამუკა მამულაშვილს, ქვეყანაში შესვლა აუკრძალა.

„ჩვენს ხელთ არსებული ინფორმაციით, სლოვაკეთში აქციების ორგანიზების უკან, გინდ დაიჯერეთ, გინდ არა, „ქართული ეროვნული ლეგიონი“ დგას. ეს არის სამხედრო ორგანიზაცია, რომელიც უკრაინის არმიის ნაწილია“, – განაცხადა ფიცომ.

უკრაინის დაზვერვის მთავარი სამმართველოს განცხადებით, მამუკა მამულაშვილი მათთან კავშირში არ იმყოფება.

„აღნიშნულმა პირმა უკრაინის თავდაცვის სამინისტროს დაზვერვის მთავარი სამმართველოს საერთაშორისო ლეგიონთან კონტრაქტი 2023 წლის აპრილში შეწყვიტა და აღარ გაუხანგრძლივებია“, – აღნიშნულია GUR-ის განცხადებაში.

ავტორი: ექსპრესნიუსი,

სოციალური ქსელები

ბარნის“ ორცხობილა შეჭამა, ამის გამო ქმარმა ცემაში მოკლა - 19 წლის დედის გარდაცვალებამ ყაზახეთი შეძრა

თურქეთმა რუსული S-400 რაკეტებისთვის მყიდველების პოვნა ვერ შეძლო და მათ ჯართში ჩაბარებას გეგმავს

ნატომ რუსეთთან ომის შემთხვევაში გეგმა შეიმუშავა

რუსეთის უზენაესმა სასამართლომ პარტია „იაბლოკო“-ს არჩევნებში მონაწილეობა საბოლოოდ აუკრძალა