რესტორან „ბაბილოში“, სადაც მოსამართლეებისთვის კორპორაციული წვეულებაა დაგეგმილი, იუსტიციის უმაღლესი საბჭოს მოსამართლე წევრმა დიმიტრი გვრიტიშვილმა ჟურნალისტებთან კომენტარი გააკეთა. მისი განცხადებით, მოსამართლეები არასამუშაო დროს იკრიბებიან და წელიწადში ერთხელ კორპორაციული საღამოს მოწყობის სრული უფლება აქვთ.

„სანქციების არავის ეშინია. ეს არის ჩვეულებრივი შეხვედრა, რომელიც არასამუშაო დროს ტარდება. მოსამართლეებს წელიწადში ერთხელ მაინც უნდა ჰქონდეთ შესაძლებლობა, ერთად შეიკრიბონ,“ – განაცხადა გვრიტიშვილმა.

ამასთან, რესტორნის გარეთ საპროტესტო აქცია მიმდინარეობს. აქციის მონაწილეები სასამართლო სისტემის კრიტიკას გამოთქვამენ და ე.წ. რეჟიმის პატიმრების გათავისუფლებას მოითხოვენ.

გვრიტიშვილმა ხაზი გაუსვა, რომ მისი კოლეგები გადაწყვეტილებებს მტკიცებულებების საფუძველზე იღებენ და მათი საქმიანობა გამჭვირვალეა.

„დარწმუნებული ვარ, რომ ყველა გადაწყვეტილება, რომელიც ჩემს კოლეგებს გამოჰქონდათ, მტკიცებულებების საფუძველზე იყო მიღებული,“ – აღნიშნა მან.

ადგილზე კვლავ დაძაბული ვითარებაა, სადაც ერთმანეთს მოსამართლეთა კორპორაციული საღამო და საპროტესტო აქცია უპირისპირდება.

ავტორი: ექსპრესნიუსი,

სოციალური ქსელები

ვიღაცა მაგრად თამაშობს - დადიანიძის დედა მისი შვილის სახელით გავრცელებულ FB-პოსტებზე

საქართველოში მიწისძვრა მოხდა

ივანიშვილის მარიონეტი მაჭავარიანი წერს, რომ ყველაფერი გააკეთეს მედიის, არასამთავრობოების გასაქრობად, მიიღეს შესაბამისი კანონები

სააკაშვილი – ვაპირებ აფხაზეთის დაბრუნებას საქართველოს კონტროლქვეშ, მიმაჩნია, რომ სოხუმი უნდა იყოს საქართველოს დედაქალაქი