თბილისის საქალაქო სასამართლოში დაპირისპირება მოხდა მანდატურებსა და სინდისის პატიმრების მხარდამჭერ მოქალაქეებს შორის. დაცვის სამსახურის თანამშრომლები სასამართლოს ფოიედან პროტესტის მონაწილეებს აძევებდნენ, რამაც სიტყვიერი და ფიზიკური დაპირისპირება გამოიწვია.

ერთ-ერთი მოქალაქე მანდატურებს ძალის გადამეტებაში ადანაშაულებს.

„მანდატურის თანამშრომელმა ზურგში ჩამარტყა ხელი. გვერდით იდგა ზვიად ცეცხლაძის დედა, ვცდილობდი, მასზე არ ყოფილიყო ზეწოლა, მაგრამ მანდატურები მოგვაწვნენ და დაიწყეს იდაყვებითა და ხელებით რტყმა. ეს არ არის სასამართლო, ეს არის კონსტიტუციის თავზე დახევა. დღეს თუ კონსტიტუციას გვახევთ, არ დაგავიწყდეთ, ეს ტალღა თქვენც შეგეხებათ,“ – განაცხადა ერთ-ერთმა მოქალაქემ.

სასამართლოში სინდისის პატიმრების პროცესი ცოტახნისწინ განახლდა. მანამდე კი სასამართლომ სახაზინო ადვოკატები გამოიძახა, რომლებიც დაკავებულთა საქმეებს დერეფნებში სწავლობდნენ.

პროტესტის ნიშნად დაკავებულებმა და მათმა ადვოკატებმა სხდომათა დარბაზი დატოვეს, რამაც პროცესში სახაზინო ადვოკატების ჩართვა გამოიწვია.

აღსანიშნავია, რომ დაკავებულთა შორის ოთხი 21 წლამდე ახალგაზრდაა – ნიკოლოზ ჯავახიშვილი, გიორგი გორგაძე, ზვიად ცეცხლაძე და ირაკლი მიმინოშვილი. კიდევ ერთი ბრალდებული, ინსაფ ალიევი, ქართული ენის მცოდნე არ არის, რაც ადვოკატის გარეშე პროცესის წარმართვას შეუძლებელს ხდის.

დაკავებულთა მხარდამჭერები სასამართლოს მიმართ კრიტიკას გამოთქვამენ და აღნიშნავენ, რომ პროცესზე კანონის უხეში დარღვევები ხდება.

ავტორი: ექსპრესნიუსი,

სოციალური ქსელები

პაპუაშვილი - პარლამენტში პარტია „საქართველოსთვის“ სახელით მყოფი ხალხი უნდა მიხვდეს, რომ გაქცეული გახარია ამათ დასცინის

ბენზინის დეფიციტის გამო, რუსეთი თვითმფრინავებისთვის საწვავის პრობლემებია

ორწლიანი პაუზის შემდეგ თელ-ავივში მასშტაბური გეი აღლუმი გაიმართა

ხოშტარია: ვმუშაობდი და გავაგრძელებ მუშაობას „მოღალატე რუსების“ წინააღმდეგ სანქციებზე