თბილისის საქალაქო სასამართლოში ანდრო ჭიჭინაძის, ონისე ცხადაძის და კიდევ 9 პირის სასამართლო მიმდინარეობს.

პროცესს რეჟისორი დავით დოიაშვილიც ესწრება. მისი თქმით, ვერდიქტის შესახებ პროგნოზის გაკეთება რთულია, რადგან სასამართლოს გადაწყვეტილებებს ვერანაირ ლოგიკას ვეღარ უკავშირებს.

„მოლოდინი არ მაქვს, რადგან ლოგიკას ვეღარ მივყვები. ამათ აღარ აქვთ ლოგიკა. რასაც დღეს მოსამართლე გადაწყვეტს, ეს იქნება მათი განაჩენი და არა ამ ბიჭების. ვნახოთ, თუ გადაირჩენენ თავს, გადაირჩენენ, თუ არა – გააგრძელებენ იმავე მდგომარეობაში ყოფნას,“ – აღნიშნა დოიაშვილმა.

რეჟისორის განცხადებით, მისი სურვილია, იცხოვროს ნორმალურ, მშვიდ და დალაგებულ სახელმწიფოში, თუმცა, მისი შეფასებით, არსებული რეალობა ამისგან სრულიად განსხვავებულია.

„აქ არ უნდა ვიყო. აქ ვარ იმიტომ, რომ ყველაფერი ხდება პირიქით. ეს ადამიანები არ უნდა იყვნენ პატიმრობაში. ისინი თავისუფლები უნდა იყვნენ,“ – განაცხადა მან.

სასამართლოს მოსამართლე ქეთევან ჯაჭვაძემ ვერდიქტის გამოსატანად დრო აიღო. სინდისის პატიმრები და მათი მხარდამჭერები სასამართლოს გადაწყვეტილებას ელოდებიან.

ავტორი: ექსპრესნიუსი,

სოციალური ქსელები

პაპუაშვილი - პარლამენტში პარტია „საქართველოსთვის“ სახელით მყოფი ხალხი უნდა მიხვდეს, რომ გაქცეული გახარია ამათ დასცინის

ბენზინის დეფიციტის გამო, რუსეთი თვითმფრინავებისთვის საწვავის პრობლემებია

ორწლიანი პაუზის შემდეგ თელ-ავივში მასშტაბური გეი აღლუმი გაიმართა

ხოშტარია: ვმუშაობდი და გავაგრძელებ მუშაობას „მოღალატე რუსების“ წინააღმდეგ სანქციებზე