როგორ ხსნის "ვისოლი" სარეკლამო რგოლიდან ანდრო ჭიჭინაძის კადრების ამოჭრას

2025-01-04 15:15:30, 662 ნახვა

საზოგადოება

კომპანია განმარტავს, რომ მსახიობთან კონტრაქტი 2024 წლის ნოემბრის ჩათვლით ჰქონდათ, ინფორმაციას TV პირველი ავრცელებს.

"ვისოლი" ირწმუნება, რომ კადრის ამოჭრა შექმნილ პოლიტიკურ ვითარებასთან არ არის დაკავშირებული და რომ მომავალშიც სიამოვნებით ითანამშრომლებენ მსახიობ ანდრო ჭიჭინაძესთან.

"მსახიობი ანდრო ჭიჭინაძე მონაწილეობდა “ვისოლის” ლოიალობის აპლიკაციის სარეკლამო კლიპში. რეკლამა სატელევიზიო ეთერში აპლიკაციის შემახსენებელი კომუნიკაციის ფარგლებში განმეორებით გავიდა 2024 წლის სექტემბრიდან, რაზეც მსახიობთან დავდეთ დამატებითი კონტრაქტი. ახალი შეთანხმების საფუძველზე მისი მონაწილეობით კადრის გამოყებების ნებართვა კომპანიას ჰქონდა 2024 წლის ნოემბრის ჩათვლით. შესაბამისად, კომპანიამ
მხოლოდ და მხოლოდ დაიცვა კონტრაქტით გათვალისწინებული პირობები და გავრცელებული ინფორმაცია, თითქოს მისი კადრის ამოჭრა შექმნილ პოლიტიკურ ვითარებასთან არის რაიმე სახით დაკავშირებული, არის სრული აბსურდი, მტკნარი სიცრუა და დეზინფორმაცია. აქვე ვაცხადებთ, რომ ჩვენი კომპანია მომავალშიც, ნებისმიერ დროს, სიამოვნებით ითანამშრომლებს მსახიობ ანდრო ჭიჭინაძესთან", - განმარტავს კომპანია.

შეგახსენებთ, რომ მსახიობს 4-დან 6 წლამდე თავისუფლების აღკვეთა ემუქრება. მას ბრალდება სისხლის სამართლის კოდექსის 225-ე მუხლის მეორე ნაწილით წარედგინა, რაც ჯგუფურ ძალადობაში მონაწილეობას გულისხმობს.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,