გერმანიისა და საფრანგეთის საგარეო საქმეთა მინისტრები, ანალენა ბერბოკი და ჟან-ნოელ ბარო ევროკავშირის სახელით სირიას ეწვივნენ და სირიის დე ფაქტო ახალ ლიდერს, აჰმედ ალ-შარას შეხვდებიან, - ინფორმაციას Reuters-ი ავრცელებს.

გამოცემის ცნობით, მინისტრები, რომლებიც დამასკოში დღეს დილით ცალ-ცალკე ჩავიდნენ, ასევე შეხვდებიან სირიის სამოქალაქო საზოგადოების წარმომადგენლებს და სირიის ყველაზე ცნობილ ციხეს, სედნაიას კომპლექს მოინახულებენ.

„ჩემი დღევანდელი მოგზაურობა - ჩემს ფრანგ კოლეგასთან ერთად და ევროკავშირის სახელით - არის ნათელი სიგნალი სირიელებისთვის: შესაძლებელია ახალი პოლიტიკური დასაწყისი ევროპასა და სირიას შორის, გერმანიასა და სირიას შორის“, - განაცხადა გერმანიის საგარეო საქმეთა მინისტრმა დამასკოში გამგზავრებამდე.

გერმანიისა და საფრანგეთის საგარეო საქმეთა მინისტრები ევროკავშირის პირველი მინისტრები არიან, რომლებიც სირიას ეწვივნენ მას შემდეგ, რაც 8 დეკემბერს ამბოხებულებმა დამასკო აიღეს და პრეზიდენტი ბაშარ ალ-ასადი აიძულეს, ქვეყანა დაეტოვებინა.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია