თბილისის საქალაქო სასამართლოში, მოსამართლემ, ნინო ენუქიძემ მსახიობი, გიორგი ბახუტაშვილი სამართალდამრღვევად ცნო და სიტყვიერი გაფრთხილება მისცა.

გიორგი ბახუტაშვილს ადმინისტრაციულ სამართალდარღვევას, წვრილმან ხულიგნობასა და პოლიციის კანონიერი მოთხოვნისადმი დაუმორჩილებლობას ედავებოდნენ.

დღევანდელ პროცესზე დაიკითხნენ მოწმეები, როგორც დაცვის, ისე ბრალდების მხრიდან. კერძოდ, მსახიობი ნანკა კალატოზიშვილი და შსს-ს ორი თანამშრომელი, რომელთა თქმითაც, ბახუტაშვილის დაკავებაში მიიღეს მონაწილეობა.

„კატეგორიულად არ ვეთანხმები ბრალდებას. საკმაოდ გვიან მივედი აქციაზე, უკვე 30 თენდებოდა. პოლიციის მხრიდან არცერთი მოწოდება არ გამიგია. ერთადერთი გასაუბრება მქონდა პოლიციელთან, რომელიც მიათრევდა გულწასულ ადამიანს, გზაში იკეცებოდა ეს ადამიანი და პოლიციას ვემუდარებოდი, რომ არ დაეკავებინა, იმიტომ, რომ ასეთ მდგომარეობაში იყო. პოლიციელს არც გზაზე გადავღობივარ, თხოვნით შემოვიფარგლებოდი. ფიზიკურადაც არ შევხებივარ. ამ დროს უკნიდან გავიგე გინება. მომხვდა რაღაც საგანი, სავარაუდოდ, ხელკეტი იყო და მეც გამიყენეს იმ ბიჭის გზას, ვისზეც ვითხოვდი, რომ არ დაეკავებინათ“,- განაცხადა გიორგი ბახუტაშვილმა.

შეგახსენებთ, მსახიობი გიორგი ბახუტაშვილი 30 ნოემბერს გამთენიისას, აქციის დაშლის დროს დააკავეს.

ავტორი: ექსპრესნიუსი,

სოციალური ქსელები

შიო III-მ უკრაინაში მოსკოვის საპატრიარქოს წარმომადგენელ მიტროპოლიტ ონოფრეს ინტრონიზაციის წლისთავი მიულოცა

ვიღაცა მაგრად თამაშობს - დადიანიძის დედა მისი შვილის სახელით გავრცელებულ FB-პოსტებზე

საქართველოში მიწისძვრა მოხდა

ივანიშვილის მარიონეტი მაჭავარიანი წერს, რომ ყველაფერი გააკეთეს მედიის, არასამთავრობოების გასაქრობად, მიიღეს შესაბამისი კანონები