შინაგან საქმეთა მინისტრი გიორგი მღებრიშვილი შსს-ს საგანგებო სიტუაციების მართვის სააგენტოს განსაკუთრებულ საგანგებო სიტუაციებზე რეაგირების სამმართველოში სამოქალაქო თავდაცვის საერთაშორისო დღისადმი მიძღვნილ ღონისძიებას დაესწრო.

შს მინისტრმა სააგენტოს პირად შემადგენლობას სიტყვით მიმართა და სამოქალაქო თავდაცვის საერთაშორისო დღე მიულოცა.

გიორგი მღებრიშვილმა, ღონისძიებაზე მოწვეულ სტუმრებთან ერთად, განსაკუთრებულ საგანგებო სიტუაციებზე რეაგირების სამმართველოს ეზოში სახანძრო-სამაშველო ტექნიკის გამოფენა და სააგენტოს ახალი ადმინისტრაციული შენობა დაათვალიერა. აღნიშნული შენობა აშშ-ს ევროპული სარდლობის ჰუმანიტარული დახმარების პროგრამის ფარგლებში აშენდა.

შსს-ს საგანგებო სიტუაციების მართვის სააგენტოს დირექტორმა ზვიად ქაწაშვილმა შს მინისტრსა და დამსწრე სტუმრებს გასული წლის განმავლობაში გაწეული საქმიანობის, მათ შორის, სააგენტოს ახალი საიტის შესახებ პრეზენტაცია წარუდგინა.

ღონისძიების ფარგლებში, ასევე, ჩატარდა სიმულაციური ჩვენება: ხანძრის ქრობა, ქიმიურ ინციდენტზე რეაგირება, დაზარალებულის სიმაღლიდან  ჩამოყვანა და ძაღლის დახმარებით ნანგრევებიდან ამოყვანა.

სამოქალაქო თავდაცვის საერთაშორისო დღესთან დაკავშირებით, გიორგი მღებრიშვილმა შსს-ს საგანგებო სიტუაციების მართვის სააგენტოს წარმატებული თანამშრომლები მადლობის სიგელებით დააჯილდოვა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა