დაკავების შემდეგ, განყოფილებაში ვატო ბჟალავაზე ფიზიკურად იძალადეს,- ამის შესახებ დაკავებული მკვლევრის, ვატო ბჟალავას ადვოკატმა, გიორგი ტაბატაძემ „ფორმულას“ ეთერში განაცხადა.

ადვოკატის თქმით, ვატო ბჟალავას სახეში გაარტყეს და წვივში ფეხი ჩაარტყეს, სადაც აღენიშნება კიდეც დაზიანება, აქვს სილურჯე.

„რაც შეეხება უშუალოდ ვატოს, ვატოს მიმართ იყო ძალადობა. როდესაც დააკავეს, მიიყვანეს განყოფილებაში, იქ შევიდა ერთ-ერთი პოლიციელი, რომელიც ეუბნებოდა, რომ ტელეფონზე მოეხსნა პაროლი და ეთქვა რა დაჯგუფებებში იღებდა მონაწილეობას აქციებზე, ამ დროს სახეში დაარტყა ხელი ორჯერ და ფეხი ჩაარტყა წვივის არეში, სადაც აღენიშნება კიდეც დაზიანება, აქვს სილურჯე. სახეზე ჯერჯერობით დაზიანება არ ემჩნევა, შეიძლება დროის გასვლის შემდეგ დაემჩნეს, რადგან ძლიერად მოხვდა ორჯერ ხელი.

ვატო დაკითხულია სასამართლოშიც, მისცა ჩვენება ჩვეულებრივად და ამის შემდეგ მოხდა ეს ამბავი. მაგრამ ვინაიდან ვერ აღმოაჩინეს ვერაფერი, ვატო არის მკვლევარი, აქციებზე დადის როგორც ჟურნალისტი, იღებს უფლებადარღვევებს, ჰქონდა "ბეიჯიც" ჟურნალისტის, ამიტომ იგი თავად ამ აქციებზე მიმდინარე მოვლენებში არ იღებს მონაწილეობას, არამედ ასახავს იქ არსებულ ვითარებას და შემდეგ სოციალურ ქსელში აზიარებს. ამიტომ როდესაც აღმოაჩინეს, რომ არანაირ სამართალდარღვევას იქ ადგილი არ ჰქონია, სისხლის სამართლის კუთხით ვეღარ წაიყვანეს საქმე და, როგორც ჩანს, დაკავების მიზეზი რომ გაემართლებინათ, შეუდგინეს ადმინისტრაციული სამართალდარღვევის ოქმი, თითქოს იგი პოლიციას უწევდა წინააღმდეგობას, თუმცა თქვენ ნახეთ ვიდეომასალა, როდესაც მივიდა სამოქალაქო ფორმაში ჩაცმული პოლიციელი და უთხრეს, რომ უნდა წაგიყვანოთო, ჩვეულებრივად გაჰყვა, ყოველგვარი წინააღმდეგობის გაწევის გარეშე. ერთადერთი თხოვნა ჰქონდა, რომ ძაღლს ასეირნებდა და სახლში მისი აყვანის საშუალება ჰქონოდა, თუმცა ამის უფლებაც არ მისცეს და იქ სუპერმარკეტთან დატოვეს ძაღლი მიბმული“,- განაცხადა ადვოკატმა, გიორგი ტაბატაძემ.

შეგახსენებთ, რომ თავდაპირველად „რონდელის ფონდის“ მკვლევარ ვატო ბჟალავას დაკავების შესახებ ინფორმაცია სოციალურ ქსელში გავრცელდა. ბჟალავა ადმინისტრაციულ სამართალდარღვევათა კოდექსის 173-ე მუხლის საფუძველზეა დაკავებული.

ავტორი: ექსპრესნიუსი,

სოციალური ქსელები

შიო III-მ უკრაინაში მოსკოვის საპატრიარქოს წარმომადგენელ მიტროპოლიტ ონოფრეს ინტრონიზაციის წლისთავი მიულოცა

ვიღაცა მაგრად თამაშობს - დადიანიძის დედა მისი შვილის სახელით გავრცელებულ FB-პოსტებზე

საქართველოში მიწისძვრა მოხდა

ივანიშვილის მარიონეტი მაჭავარიანი წერს, რომ ყველაფერი გააკეთეს მედიის, არასამთავრობოების გასაქრობად, მიიღეს შესაბამისი კანონები