2016-03-01 13:18:13, 635 ნახვა
საზოგადოება
მერიას მეტროპოლიტენის მემანქანეებისთვის ხელფასების მომატების რესურსი არ აქვს
თბილისის მერის დავით ნარმანიას განცხადებით, მერიას მემანქანეებისთვის ხელფასების მომატების რესურსი არ აქვს.
„მერიას ხელფასის მომატებასთან დაკავშირებით რესურსი არ აქვს, ვინაიდან წელს ჩვენ მნიშვნელოვანი ადმინისტრაციული რესურსების ოპტიმიზაცია გამოვაცხადეთ და ეს ეხება ყველა სამსახურს. შემცირებით არ შეგვიმცირებია, მაგრამ გაზრდის რესურსი წელს არ გვაქვს“, - განაცხადა დავით ნარმანიამ.
შეგახსენებთ, თბილისის მეტროპოლიტენის მემანქანეები გაფიცვით იმუქრებიან. ისინი ხელმძღვანელობისგან სამუშაო პირობების გაუმჯობესებას და ხელფასების გაზრდას ითხოვენ.
ისინი გეგმავენ, რომ წინასაგაფიცვო მოქმედებების დაწყების შესახებ შესაბამის უწყებებში დღეს განცხადება შეიტანონ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
