2024-11-28 20:55:08, 4019 ნახვა

---

„ექსპოჯორჯიაში“ სოფლის მეურნეობის, კვების მრეწველობის, გადამმუშავებელი და შემფუთველი ტექნოლოგიების გამოფენა გაიხსნება

ხვალ, 29 ნოემბერს, გამოფენების ცენტრის „ექსპოჯორჯია“ მე-11 პავილიონში, სოფლის მეურნეობის, კვების მრეწველობის, გადამმუშავებელი და შემფუთველი ტექნოლოგიების რიგით 22-ე საერთაშორისო გამოფენა Agro/Food/Drink/Tech/Expo 2024  გაიხსნება.

ამის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს.

მათი ცნობით, 14:00 სთ-ზე, გამოფენას გარემოს დაცვისა და სოფლის მეურნეობის მინისტრის მოადგილე თენგიზ ნასარიძე დაათვალიერებს.

მათივე ინფორმაციით, გამოფენა 29 ნოემბრიდან - 1 დეკემბრის ჩათვლით, 11:00-18:00 სთ-მდე ტარდება. დასწრება უფასოა.

გამოფენის  ფარგლებში, 30 ნოემბერს,  ცნობილი საკონსულტაციო კომპანიის WOWAYZ სოფლის მეურნეობის ბიზნესის განვითარების ტრენერი ედვინ ჰუბერსი  (Edwin  Huybers) ორ   ტრენინგს 11:30-13:00 სთ-ზე (პირველი ტრენინგი) და 15:00-17:30 სთ-ზე (მეორე ტრენინგი) გამართავს. დასწრება თავისუფალია.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი