საქართველოში გადახდისუუნარობის ძირეული რეფორმის გზამკვლევი - ამ სახელწოდებით კონფერენცია სასტუმრო ქორთიარდ მარიოტში გერმანიის საერთაშორისო თანამშრომლობის ორგანიზაციის, საქართველოს იუსტიციის სამინისტროს და აღსრულების ეროვნული ბიუროს ორგანიზებით გაიმართა. 

კონფერენციის მთავარი მიზანი საქართველოს გადახდისუუნარობის სისტემის ოპტიმიზაციის შესაძლებლობების კვლევა წარმოადგენდა.

კონფერენციაში მონაწილეობდნენ იუსტიციის მინისტრის მოადგილეები ალექსანდრე ბარამიძე და მიხეილ სარჯველაძე, EBRD-ის კავკასიის, მოლდოვისა და ბელორუსიის რეგიონალური დირექტორი ბრუნო ბალვანერა, აღსრულების ეროვნული ბიუროს თავმჯდომარე სოსო ბაღათურია, საქართველოს GIZ ოფისის წარმომადგენლები და USAID G4G პროექტის ხელმძღვანელი მაილო სტევანოვიჩი.  

 სადისკუსიო შეხვედრა ქართული გადახდისუუნარობის კანონმდებლობისა და პრაქტიკის პრობლემატურ საკითხებს შეეხო. განხილულ იქნა გადახდისუუნარობის პროცესში მონაწილე პირების როლი, ფუნქციები და კომპეტენციები. მსჯელობა წარიმართა იმაზე, თუ როგორ შეიძლება გაუმჯობესდეს სასამართლოს, მეურვის, გაკოტრებისა და რეაბილიტაციის მმართველების, მოვალისა და კრედიტორის თანამშრომლობის შედეგიანობა. ასევე, სიცოცხლისუნარიანი საწარმოების რეაბილიტაციის მექანიზმები, რეაბილიტაციის წინაპირობები, საწარმოს მომზადება და რეაბილიტაციისთვის და გადაწყვეტილების მიღება. 

 კონფერენციაზე მოხდა ქართული სისტემის შედარება საერთაშორისო სტანდარტებთან და აპრობირებულ პრაქტიკასთან.

შეხვედრის პროცესში გამოთქმული მოსაზრებები გავლენას მოახდენს გადახდისუუნარობის სისტემის გაუმჯობესების მიზნით მიმართული სამუშაოების შინაარსა და პრიორიტეტებზე.  კონფერენცია ევროკავშირის წარმომადგენლობის მიერ დაფინანსებული პროექტების ფარგლებში გაიმართა. 
 
 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან