თბილისში საპროტესტო მსვლელობა მდინარე მტკვრის მარჯვენა და მარცხენა სანაპიროებზე გრძელდება.

როგორც „ექსპრესნიუსის“ კორესპონდენტი ადგილიდან იუწყება, მსვლელობის მონაწილეებს ორივე სანაპირო გადაკეტილი აქვთ.

ცოტა ხნის წინ, მარშის ორგანიზატორი „ფეისბუქ-ჯგუფის“, სახელწოდებით „დაიტოვე“, წარმომადგენელმა მსვლელობის მონაწილეებს მიმართა, რომ დღეიდან დედაქალაქის პარალიზებას დაიწყებენ.

მანვე ხვალ, 11 ნოემბერს მოქალაქეებს 2 სხვადასხვა ლოკაციაზე შეკრებისკენაც მოუწოდა.

„დაიტოვე“ დგამს პირველ ნაბიჯს სახალხო პროტესტისკენ და ჩვენ ვიწყებთ ქალაქის პარალიზებას დღეიდან. ვსწავლობთ დღეს და ვემზადებით იმ დღისთვის, როდესაც მთელი საქართველო ფეხზე დადგება და ჩვენ გვერდით იდგება. ვფიქრობდით ჩვენს გუნდში - შევძლებდით თუ არა დღეს ერთი სანაპიროს გადაკეტვას, მაგრამ ჩვენ დღეს იმდენი ვართ, რომ ორივე სანაპიროს გადავკეტავთ“,- განაცხადა „დაიტოვეს“ წარმომადგენელმა. 

მარშის მონაწილეები 2024 წლის საპარლამენტო არჩევნების შედეგებს აპროტესტებენ და ხელახალი არჩევნების ჩატარებას მოითხოვენ.

აღსანიშნავია, რომ მსვლელობაში ოპოზიციური პოლიტიკური პარტიების წარმომადგენლებიც მონაწილეობენ.

შეგახსენებთ, დღეს, 10 ნოემბერს „ფეისბუქ-ჯგუფ“ „დაიტოვეს“ მიერ დაანონსებული მსვლელობის გამართვამდე, მოქალაქეები თბილისში, თავისუფლების მოედანზე შეიკრიბნენ და მსვლელობა საკრებულოს შენობის მიმდებარე ტერიტორიიდან დაიწყეს.

ავტორი: ექსპრესნიუსი,

სოციალური ქსელები

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს

ელენე ხოშტარიას უახლოეს დღეებში დამატებითი კვლევების ჩატარების მიზნით, სამოქალაქო სექტორის კლინიკა „ვივამედში" გადაიყვანენ

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა