შრომის, ჯანმრთელობისა და სოციალური დაცვის მინისტრი დავით სერგეენკო სახალხო დამცველ უჩა ნანუაშვილს მოუწოდებს სოციალური პარტნიორობის სამმხრივი კომისიის ფუნქციასთან დაკავშირებით დეტალებში უფრო ღრმად ჩაიხედოს.

სერგეენკოს თქმით, სამმხრივი კომისიის ფუნქცია არის არა  კონკრეტული შრომითი დავების, ან რაიმე სხვა სახის დავების განხილვა, არამედ პოლიტიკური და სტრატეგიული  გადაწყვეტილებების მიღება, რომელიც შრომით დავებს შეეხება.

მისივე განმარტებით, სამმხრივი კომისია უკვე შეიკრიბა შარშან და გამოიტანა თავისი დადგენილება, რომლის მიხედვითაც, ჯანდაცვის მინისტრს  მედიაცია დაევალა:

„სახალხო დამცველის პოზიცია არის სახალხო დამცველის პოზიცია, რომელიც, რა თქმა უნდა,  მნიშვნელოვანია, მაგრამ აღარ მახსოვს მერამდენე მოწოდებაა, რომ უფრო  ღრმად ჩაიხედოს დეტალებში და პროცესებში. კერძოდ, სამმხრივი კომისიის ფუნქცია არის არა  კონკრეტული შრომითი დავების, ან რაიმე სხვა სახის დავების განხილვა, არამედ პოლიტიკური და სტრატეგიული  გადაწყვეტილებების მიღება, რომელიც შრომით დავებს შეეხება. ეს არის პოლიტიკის შემმუშავებელი ორგანო, რომელიც უკვე შეიკრიბა შარშან და გამოიტანა თავისი დადგენილება, რომლის მიხედვითაც ჯანდაცვის მინისტრს დაევალა მედიაცია. ხაზს ვუსვამ, სამმხრივი კომისიის ფუქნცია არ არის კონკრეტული  შრომითი დავების განხილვა, ეს არის პოლიტიკის და სტრატეგიის შემმუშავებელი, ასე ვთქვათ, საბჭო და არა კონკრეტული შრომითი დავების განმხილველი. ჯანდაცვის მინისტრი უკვე აქტიურადაა ჩართული, მონაწილეობს ამ პროცესში და ეს მონაწილეობა გამოიხატება კანონით დაგდგენილი ნირმების აღსრულებაში, როდესაც იქ მივლინებული არიან ჩვენს მიერ შერჩეულია ადამიანები“,-განაცხადა დავით სერგეენკომ.

შეგახსენებთ, მეშახტეთა პრობლემებთან დაკავშირებით სახალხო დამცველმა უჩა ნანუაშვილმა განაცხადა, რომ მნიშვნელოვანია ხელისუფლებამ უფრო მეტი ყურადღება მიაქციოს ამ პრობლემას. მისივე თქმით, აუცილებელია, სოციალური პარტნიორობის სამმხრივი კომისია ამოქმედდეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან