2024-10-07 17:32:33, 405 ნახვა
მსოფლიო
ერდოღანი - ისრაელი ადრე თუ გვიან გენოციდისთვის საფასურს გადაიხდის, რომელსაც ერთი წელია, ახორციელებს
ისრაელი ადრე თუ გვიან გენოციდისთვის საფასურს გადაიხდის, რომელსაც ერთი წელია, ახორციელებს,- ამის შესახებ თურქეთის პრეზიდენტი რეჯეფ თაიფ ერდოღანი სოციალურ ქსელ X-ზე წერს.
ერდოღანის განცხადებით," ისრაელის გენოციდისა და ოკუპაციის მრავალწლიანი პოლიტიკა ახლა უნდა დასრულდეს".
"არ უნდა დაგვავიწყდეს, რომ ისრაელი ადრე თუ გვიან გადაიხდის საფასურს ამ გენოციდისთვის, რომელსაც ის ახორციელებს ერთი წლის განმავლობაში და რომელიც ახლაც გრძელდება. როგორც ჰიტლერი შეაჩერა კაცობრიობის საერთო ალიანსმა, იმავე გზით შეჩერდებიან ნეთანიაჰუ და მისი მკვლელობის ქსელიც. ისრაელის გენოციდის, ოკუპაციისა და შემოჭრის მრავალწლიანი პოლიტიკა ახლა უნდა დასრულდეს",- წერს ერდოღანი.
ავტორი: ექსპრესნიუსი,
epn.ge (@expressnews.ge)
