გიორგი ზვიადაძე - მეუფე იაკობის ვიზიტი აშშ-ში საპატრიარქოს ორგანიზებული არ არის

2024-10-03 16:49:23, 441 ნახვა

საზოგადოება

მეუფე იაკობის ვიზიტი ამერიკის შეერთებულ შტატებში საპატრიარქოს ორგანიზებული არ არის,- ამის შესახებ პროპტოპრესვიტერმა, გიორგი ზვიადაძემ "მთავარ არხთან" სატელეფონო საუბრისას განაცხადა.

როგორც ზვიადაძე ამბობს, აღნიშნულ საკითხს საპატრიარქოს საზოგადოებასთან ურთიერთობის სამსახურის თანამშრომლები არკვევენ.

"ეს საპატრიარქოდან არ არის ორგანიზებული. არკვევენ ახლა, ალბათ, დაუკავშირდებიან საზოგადოებასთან ურთიერთობის სამსახურის თანამშრომლები",- განაცხადა ზვიადაძემ.

შეგახსენებთ, დღეს, 3 ოქტომბერს ევროპისა და ევრაზიის საკითხებში ამერიკის შეერთებული შტატების სახელმწიფო მდივნის თანაშემწე ჯიმ ობრაიენი ბოდბელ მთავარეპისკოპოს იაკობსა და "დემოკრატიისა და განვითარების ცენტრის" აღმასრულებელ დირექტორ ქეთევან ჩაჩავას შეხვდება.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,