რა თქმა უნდა, სახელმძღვანელო, ტრენინგები, აკერმანის წიგნი - ეს ყველაფერი მთლიანად კომპლექსურია და ამოგლეჯილად არ უნდა განვიხილოთ. მათი მთავარი მიზანი და ამოცანა არის ის, რომ ქვეყანაში დაძაბულობა შემოიტანონ,- ამის შესახებ დედაქალაქის მერმა, კახა კალაძემ მედიასთან განაცხადა, როდესაც მას მაკკეინის ინსტიტუტის ანგარიშზე ჰკითხეს, არის თუ არა ეს ანგარიში სახელმძღვანელო დოკუმენტი ოპოზიციისთვის.

კალაძის თქმით, “ქართული რადიკალური ოპოზიცია დღეს სრულად გარედან იმართება და მისი წარმომადგენლები გარე ძალების პოლიტიკური მითითებების  უსიტყვო შემსრულებლებს წარმოადგენენ“. 

მისივე თქმით, “რადიკალი პოლიტიკოსების  მხრიდან კანონის წინააღმდეგ გადადგმულ ნებისმიერ  ნაბიჯს  კანონისავე ფარგლებში სათანადო პასუხი გაეცემა“.

“როგორ წარმოგიდგენიათ ეს რადიკალური ოპოზიცია, ერთი შეხვედრა არ ჩაუტარებიათ, ან ვისთან უნდა მივიდნენ, ან ვის რა უნდა შესთავაზონ ადამიანებმა, რომლებიც ზეიმობდნენ ომის დაწყებას ქვეყანაში, რომ მეორე ფრონტი გახსნილიყო. ესენი ყველანი ერთნი არიან  და ვიცით, როგორ იმართებიან ყველანი გარედან. ესენი უბრალოდ შემსრულებლები არიან, რასაც ეტყვიან, თავში წამოარტყამენ, იმას აკეთებენ.  იმის უფლებაც კი არ აქვთ, შეკითხვა დასვან - რატომ? შესაბამისად, ჩვენ ამისთვის მზად ავართ, ყველაფერი ვიცით, რისი გაკეთებაც უნდათ, მაგრამ კანონის ფარგლებში ყველა სიბინძურესა და ბოროტებას, ყველა კანონსაწინააღმდეგო ქმედებას გაეცემა შესაბამისი პასუხი“,- განაცხადა კალაძემ.

ავტორი: NS (სტატია დაფინანსებულია),

სოციალური ქსელები

თამარ კეკენაძე – არ გვაქვს მოლოდინი, რომ მოძალადე დეპუტატებს თავად „ოცნების“ მოძალადე სისტემა დასჯის

ივანიშვილის დეპუტატი ხამენეის დაკრძალვაზე ჩასვლაზე - რეგიონის ლიდერები ერთად დაესწრებიან ცერემონიალს და ამაში უცნაურს ვერაფერს ვხედავ

არასრულწლოვნების ტრეფიკინგის ბრალდებით სამი პირი დააკავეს- ბავშვებს მათხოვრობას აიძულებდნენ

2026 წლის I კვარტალში ევროკავშირი საქართველოს 2 060 მოქალაქეს დაატოვებინეს