2024-09-12 17:24:56, 433 ნახვა
საზოგადოება
მუხიანის აგარაკებზე, ვარდისუბნის ქუჩის მონაკვეთის მოწესრიგება სრულდება
გლდანის რაიონის გამგეობა მუხიანის აგარაკებზე კიდევ ერთ ქუჩას აწესრიგებს. ამის შესახებ ინფორმაციას თბილისის მერია ავრცელებს.
მერიის ცნობით, საგზაო ინფრასტრუქტურული სამუშაოები ამჯერად, ვარდისუბნის ქუჩის დარჩენილ მონაკვეთზე - ხანძთის ქუჩიდან შოვის ქუჩამდე მიმდინარეობს.
"სამუშაოების ფარგლებში, მოეწყო სანიაღვრე ქსელი და 4 600 კვადრატულ მეტრამდე ფართობზე იგება ასფალტის საფარი, რისთვისაც გამგეობის ბიუჯეტიდან, დაახლოებით, 600 000 ლარამდე დაიხარჯება.
მიმდინარე სამუშაო პროცესს გლდანის რაიონის გამგებლის მოვალეობის შემსრულებელი ბესიკ კალაძე, საკრებულოს წევრ ვლადიმერ ბოჟაძესთან ერთად გაეცნო", - ნათქვამია ინფორმაციაში.
ავტორი: NS (სტატია დაფინანსებულია),
epn.ge (@expressnews.ge)
