2024-08-15 09:22:29, 386 ნახვა
საზოგადოება
კუს ტბის მიმდებარე ფერდობები და ველობილიკები დასუფთავდა
შპს “თბილსერვის ჯგუფის“ თანამშრომლებმა კუს ტბის მიმდებარე ფერდობები და ველობილიკები დაასუფთავეს. ამის შესახებ ინფორმაციას თბილისის მერია ავრცელებს.
მერიის ცნობით, ტერიტორია საყოფაცხოვრებო და სამშენებლო ნარჩენებისგან გაიწმინდა. დასუფთავების აქციაში მონაწილეობა “თბილსერვის ჯგუფის“ დირექტორმა, დავით ფაჩულიამაც მიიღო.
“ძალიან დასანანია, რომ ასეთ რეკრეაციულ ზონებშიც გვხვდება საყოფაცხოვრებო და ინერტული ნარჩენი. დედაქალაქის მოსახლეობას და კერძო კომპანიებს მოვუწოდებთ, არ დატოვონ ნარჩენი ასეთ სივრცეებში და მოათავსონ მხოლოდ ახლომდებარე კონტეინერებში. არ არის ამაში რაიმე სირთულე, უბრალოდ ყველამ უნდა გავიაზროთ, რამდენად ვაზიანებთ ასე გარემოს. გავუფრთხილდეთ ჩვენს ქალაქს, ბუნებას და გარემოს, სადაც ვცხოვრობთ“,- აღნიშნა დავით ფაჩულიამ.
მსგავსი დასუფთავების აქციები თბილისის მასშტაბით ათივე რაიონში ეტაპობრივად იგეგმება.
ავტორი: NS (სტატია დაფინანსებულია),
epn.ge (@expressnews.ge)
